Willemstad,Curacao
Pronóstiko di tempu pa Kòrsou i bisindario bálido te djamars atardi 18:00 o.l., 8 di sèptèmber 2020.
Kompilá:
djaluna 7 di sèptèmber 2020, 17:00 o.l. (21:00 UTC).
Tempu:
Shelu lo varia di tiki te parsialmente nublá i un wer seku lo prevalesé.
Temperatura máksimo lo alkansá 34ºC i temperatura mínimo 28ºC.
Solo ta sali 06:25 i ta baha 18:42 o.l.
Bientu:
For di direkshon ost i generalmente moderá; forsa 3 te 4 (12 te 30 km/ora, 7 te 16 nudo). Den dia, posiblemente basta fuerte den ráfaga; forsa 5 (31 te 39 km/ora, 17 te 21 nudo).
Situashon general:
Durante di awe i parti di mayan djamars no ta antisipá kambio den e tempu i wer lo kontinuá seku pa gran parti di e período di pronóstiko. No opstante esaki, despues di kuminsamentu di e siman aki un ola tropikal ku no ta move hopi riba e sekshon oriental di Laman Karibe lo kombiná ku un disturbio suak den vários nivel di atmósfera pa trese algun áwaseru i posiblemente ku welek i bos den nos área. E temperaturanan tambe lo ta un poko haltu den e dianan ku ta sigui i esaki lo fomentá sintimentu di kalor un poko sofokante.
Kondishon di laman:
Trankil te moderá ku altura di olanan serka di 1 meter (3 pia).
Sistemanan signifikante di wer tropikal:
Sistemanan signifikante di wer tropikal: Tormenta Tropikal Paulette a forma riba Atlántiko Nort, miéntras Depreshon Tropikal Diesocho ta lokalisá na e momento aki riba e region ekstremo ost di Atlántiko Tropikal. Segun pronóstiko, e dos sistemanan tropikal aki lo por sigui un pasashi proyektá riba Oséano Atlántiko Nort i lo no ta un menasa pa Kòrsou.
Fenómeno spesial:
Ningun.
Perspektiva te djárason atardi: S
Shelu, prinsipalmente den anochi pa mainta lo bira parsialmente te hopi nublá ku chèns pa awa kai. No ta ekskluí e posibilidat pa welek i bos.
Meteorólogo:
Coffie.
