Manera ta conoci DIP ta den un proceso di saneamento Ex director di DIP Haime Croes a haci un desaster y a masacra infrastructura di pais Aruba. Team completo hunto cu nan director interino a presenta un bista di loke nan a encontra den nan man pa drecha.
Sinembargo hopi diferente na otro director nan di pasado DIP ta habri pa hiba contesta na pregunta nan di e instituto di mas halto de nos pais pues parlamento pa asina pueblo su representante por tin un bista mas amplio di kico ta pasando den e departamento. Awe 6 di september gerencia hunto cu director interino di DIP tabata den parlamento unda cu e reunion tabata porta cera pa asina nan por a duna parlamento un bista di kico a pasa den DIP y con tur cos a cana den e ultimo temponan.
Por a compronde cu e reunion tabata uno exitoso unda varios parlamentario a haci pregunta riba inkietud cu nan por tin y kisas di loke nan no ta compronde dicon e proceso ta pega of cu no ta cana manera mester ta.
E daño na e departamento ta grandi pero cu cuerpo y alma DIP tin un team prepara pa por bin cu un “aanpak project” pa asina tur hende haya un contesta riba nan peticion sea e ta un SI of un NO. Pueblo merece di wordo contesta, pa varios aña pueblo a wordo neglisha no contesta riba nan derecho nan cu nan tin como ciudadano. Tur esaki ta dañonan cu ex director Haime Croes a bin ta haci cu e comunidad di Aruba.
Pa logra esey nos tin cu duna e ekipo y mandatario e espacio necesario, pa por logra trece e departamento bek riba pia, tambe por a compronde cu dentro de poco DIP lo publica maneho nan riba cada un servicio cu e departamento ta brinda y asina pueblo tambe sa con pa haci su peticion.
Un factor importante cu cuidadano y principalmente comerciantenan mester tene cuenta cu ne ta e sentencia Didam e sentencia Didam (cu su jurisprudencia posterior) e sentencia ta stipula cu, segun conformidad di articulo 3:14 di Codigo Civil Hulandes, e organismo gubernamental mester cumpli cu principionan general di bon administracion, incluyendo e principio di igualdad, na momento di ehecuta acuerdo nan di derecho priva, pues esey ta hunga un rol grandi na momento di uitgifte di eigendommen na pais Aruba.
Pues esaki ta hiba cu ne cu e sentencia di e tribunal Supremo Hoge raad di 26 di november 2021 (ECLI:NL:HR:2021:1778), conoci como ‘sentencia Didam’, a provoca un considerabel conmocion den e derecho priva gubernamental. Den e sentencia, e Tribunal Supremo a dicta cu un organismo gubernamental no por bende un obheto inmobiliario di su propiedad individualmente na un comerciante (desarrollador) si tin (previsiblemente) varios otro candidatonan potencial. pues e principio di igualdad ta interpone den e decision di gobierno.
Esaki ta hiba cu ne cu algun proceso lo dura un poco mas pero lo ta hopi mas transparente pa pueblo y esey pais Aruba mester awo transparencia y mas cu patrimonio estatal.
E espacio cu e departamento di DIP tin mester ta na su luga mirando cu un daño di e magnitud aki no por drecha den un cera di wowo. E team actual hunto cu e director interino a compromete nan mes pa haci lo miho y structura e departamento y di e manera aki pueblo di Aruba por haya su departamento di DIP bek cu a keda secuestra pa varios aña den man di Ex director Haime Croes
