Na Hulanda ta keda categorisa partido PVV e partido di extrema derechista PVV, cu tin e deseo di cera e frontera pa tur inmigrante, un Nexit y ‘de-islamisa’ Hulanda, ta e ganado grandi den e eleccion general Hulandes. E resultado di shock, cu no a ser pronostica, a mira cu e partido a logra casi 25% di e voto cu, doblando su sosten for di 2021.
Geert Wilders, lider di PVV, a bisa un multitud di hende den un cafe na Scheveningen cu e resultadonan di e eleccion general ta mustra cu e votadonan Hulandes a haya suficiente. “E Hulandes lo ta bek na prome luga”, el a bisa. Hulanda tin speransa… e pueblo di Hulanda lo haña nan pais bek y e tsunami di refugiadonan y inmigrante lo ta limita. Esaki por ta un ehempel y un mensahe bon cla tambe pa e islanan den Caribe, pa cuminsa percura pa nan localnan y pone nan na prome luga.
Na mes momento Geert Wilders a bisa, e resultado ta un responsabilidad enorme y e partido mester haci su maximo esfuerso pa sigura cu e speransa di e pueblo Hulandes ta wordo realisa. “Lo mester traha hunto cu otro partidonan”, Nos no por keda ignora.
E aliansa GroenLinks/PvdA, lidera pa e ex comisario Frans Timmermans, a gana 25 asiento, agregando ocho na e total actual di e dos partidonan. E tabata tambe e partido mas grandi na Amsterdam, Groningen, Leeuwarden y Utrecht, caminda tradicionalmente PVV tin tiki sosten.
E VVD, cu tabata parce e sigur ganado, ta na di tres luga, cu 24 asiento.
Timmermans a priminti di “defende democracia” den un discurso emocional, mesora despues di a felicita Geert Wilders pa su victoria. Timmermans a grita riba e zonido di e multitud: Nos lo defende e estado di derecho. E estado di derecho ta sagrado pa nan.
Rob Jetten lider di D66, a expresa cu apesar di e esfuersonan di Wilder pa aparenta mas suave den su campaña, “su ideanan extremo ainda ta den background”. D66 a gana nuebe asiento, cu ta hopi mas abou cu su total actual di 24, pero mas miho cu a ser pronostica.
Sinembargo, Jetten a bisa, VVD tambe ta culpabel. E partido a scoge pa laga e coalicion collapse den zomer riba lomba di refugiadonan. E VVD a “abri e porta” pa e PVV dor di normalisa e politica di intolerancia.
E cientifico politico di Universidad di Groningen, Leone de Jong, a bisa NOS cu Jetten tabatin rason di culpa VVD parcialmente. VVD a laga e gabinete baha pa motibo di migracion, pero e tema aki a wordo reclama pa PVV y e pueblo ta prefera e original, e a bisa.
E lider di VVD, Dilan Yesilgöz, a nenga cu su partido a comete un “eror taktiko” dor di kita Mark Rutte su nenga di traha cu e partido di Geert Wilders. Mi no ta kere esey. Nos a bisa tur ora cu esaki ta tocante e preocupacionnan di hende cu no ta sinti cu nan ta wordo scucha”, el a bisa NOS. Si bo sigui ignora nan, e gabinete no a cay sin motibo, anto esaki ta loke bo ta haña cu 98% di e votonan cu a wordo conta.
VVD: 24 (34),PVV: 37 (17),GL/PvdA: 25 (17),NSC: 20 (0),D66: 9 (24),CDA: 5 (15),BBB: 7 (1),Volt: 2 (3),PvdD: 4 (6),ChristenUnie: 3 (5),SGP: 3 (3),FvD: 3 (8),SP: 5 (9),Denk: 3 (3),JA21: 1 (3),BVNL: 1,50+ 0: (1),BIJ: 0 (1)
