Ku hopi satisfakshon, suskrito miembro di Parlamento pa Frakshon di MFK, David
Seferina a tuma nota ku Prome Minister i alabes Minister ku ta enkargá ku “Medio Ambiente i
Naturalesa” ta kumpliendo ku palabrashonnan hasí na pueblo di Kòrsou. Den e kaso aki,
entregando e bañonan públiko na Boka Samí bèk na usuarionan i drecha e infrastruktura di esaki.
Durante Frakshon di MFK su avanse “Bin papia ku nos”, algun habitante di Boka Samí i
bisindario a informá suskrito di e nesesidat pa e bañonan públiko ta aksesibel bèk, despues ku un
propietario di “Duikschool” a kue esaki i kombertí esaki den un bodega.
Despues di a indentifiká e problema suskrito a manda un karta ku pregunta na e Minister
konserní pa intermediá i saka e propietario aki for di e edifisio “paso ta propiedat di pueblo
esaki”. Prome Minister Gilmar Pisas a duna su palabra i a kumpli ku esaki tambe di e forma aki
supraya e atenshon ku e tin pa atende ku gritunan di nos siudadanonan.
P’esei Frakshon di MFK ta felisitá Prome Minister pa e trabou hasí den korto tempu pa fasilitá
bida di e habitantenan di Boka Samí i bisendario entregando na e bario un baño públiko den un
bachi nobo.
Promé Minister Gilmar Pisas alabes Minister enkargá ku “Medio Ambiente i Naturalesa” a kumpli un biaha mas!
