ORANJESTAD,Aruba
Awe ta cuminsa un etapa nobo den e recuperacion economico di nos pais. Prome Minister di Aruba Evelyn Wever-CroesAruba ta duna di conoce cu Aruba ta habri frontera pa Europa, Canada y Caribe cu excepcion di Haiti y Republica Dominicana. Ta temponan di hopi tension, pero apesar di tur cos, ban laga nos bishitantenan sinti nan mes bon bini bek na nos dushi Aruba. Awor, bo proteccion y cuido ta den bo propio man. Abo mester cuida bo mes y bo famia. Tene bo mes na e reglanan di distancia, higiena y si bo ta malo, keda paden. Hunto nos lo vence corona crisis.
