Prome Minister Evelyn Wever Croes despues cu a ricibi e vonnis di e caso Avestruz , deponering di Kukwisa y tambe pre mirando caso Flamingo cu no tin nada, e mandatario a cuminsa tuma accion. Ta conoci cu Prome Minister Evelyn Wever Croes na momento cosnan ta cana robes y iregular e ta tuma accion pa mehoracion di departamentonan bao di su gobierno.
Den e caso aki ta departamento di Directie Infrastructuur en Planning (DIP) cu lo tin varios accion cu mester tuma luga den dje pa restructura departamento di DIP. Manera ta conoci varios iregularidad a tuma luga pero alabes mester bisa cu no ta tur iregularidad ta strafbaar, pero si ta accionnan cu ta stroba e progreso di Pais Aruba.
A yega e momento cu departamento di DIP mester haya su atencion real y mester para keto un rato pa tuma decisionnan clave y importante pa Aruba por sigui progresa. E prome persona cu a ricibi su carta ta sr. Mario Maduro cu e mester bay cas, Maduro tabata encarga cu e departamento di huurgrond cual cu tabata sigui tur instruccion cu Haime Croes tabata dune, esaki ta duna e espacio cu e relacion y confiansa entre Haime Croes y Mario Maduro ta hopi estrecho.
Banda di cu nan ta traha hunto e yiu homber di Mario Maduro ta biba na sr Haime Croes cu ta mane un yiu di criansa practicamente pe, tambe tabata traha den DIP. Esaki ta ilustra e relacion di famia, amigonan cu ta traha hunto den organisacion gubernamental y den posicionnan clave pa duna y otorga terenonan di huur di Pais Aruba. E responsabilidad di Sr. Mario Maduro tabata hopi grandi unda cu practicamente su persona tabata duna ordo na unda y ken ta haya huurgrond di Pais Aruba.
Mirando henter e desaroyo cu ta tumando luga di diferente investigacionnan cu ta andando ta duna e minister concerni y e departamento e espacio awo pa por drecha restructura e departamento pa asina e departamento di DIP por funciona manera mester ta.
Ta lamenta cu tipo di situacionnan aki ta pasa na Aruba, pero si mester mira bon tipo di casonan asina no ta pasa solamente den departamentonan di gobierno so, pero tambe den politica. Por mira con politiconan nobo ta busca e manera pa bin cu vision nobo den politica, ideanan innovativo, hendenan capacita pa por dirigi un pais, pero cu no ta haya e espacio.
Awe por mira cu un Prome Minister ta tumando accion y a tuma un decision hopi importante practicamente unda cu 2 aña pasa como minister di infrastructura a duna DIP un mandato y esaki a keda den man di e director Haime Croes.
E mandatario di mas halto di Pais Aruba a duna e director e mandato pa maneha departamento di DIP conforme ley pa asina por tuma decisionnan na nomber di minister pero conforme e maneho y leynan di Aruba. Sinembargo awe por mira cu durante dos aña esaki no tabata posibel mirando cu ta bisto cu director di DIP Haime Croes a tuma decisionnan hopi malo pa Pais Aruba pero alabes a gaña den diferente aspecto, no solamente a gaña ministerio publico, pero tambe a yama diferente comerciantenan sospechoso caminda cu no ta cuadra cu berdad, y alabes tabata uza poder rond di e comerciante pa perhudica su famia tambe cu a causa daño emocional, pero tambe economico di e comerciante y famia.
Banconan tambe a cuminsa drenta den un duda na momento cu Haime Croes tabata cana papia rond insinua y gaña yamando comerciantenan sospechoso siendo cu nan no ta y asina a perhudica e comerciantenan, esaki ta un acto intencionalmente haci cu e solo meta pa perhudica comerciantenan local Arubiano di e pais aki.
Awe e berdad mes a sali afo unda Haime si ta un sospechoso unda cu tabata opera, maneha y tabata carga e mandato cu minister di infrastructura a duna keriendo cu e ta un persona integro y ta traha segun LMA manehando e departamento di DIP na bienestar di Aruba. Awe por mira e desaster cu Haime Croes a bin ta haci den DIP cu su gañamento y awe e berdad a sali na cla. EA News e plataforma cu bo por confia a bin ta raportando esaki for di un comienso na varios ocasion mirando cu diferente comerciantenan tabata acerca EA News cu nan dolornan y desesperacion di loke ta pasando den DIP.
Awe por mira cu accionnan a cuminsa tuma luga y prome Minister Evelyn Wever Croes no ta bay tolera mas e falta di respet cu ta tumando luga den departamentonan di gobierno pa cu e pueblo di Aruba.
Accionnan a cuminsa tuma luga pa asina den corto tempo por ranca start un departamento di DIP fresco cu vision y metanan pa sirbi Pais Aruba den su miho forma den su totalidad cu ta loke Pueblo di Aruba merece.
No ta for di awo pero di basta tempo caba pueblo y comercio a pidi pa accion, pero no tabata por mirando tur e investigacionnan cu tabata tumando luga den DIP , pero awo cu tin un claridad accionnan a cuminsa tuma luga y e ta na su luga. Banda di tur esaki ta bisto y ta bon cla cu Haime Croes a maluza e mandato cu e la ricibi di Prome Minister Evelyn Wever Croes, esaki ta bisto.
Sinembargo e pregunta di oro ta keda kico realmente ta bay pasa cu e ambtenaar Haime Croes cu no ta di confia, cu ta capas di haci un desaster completo cu full un departamento, cu ta capas di mancha nomber di comerciantenan integro, capas di gaña riba un otro minister, cu ta capas di indoctrina su trahadornan.
Ta trata aki di full un operacion den un departamento perhudicando henter comunidad di Aruba, awo kico ta loke prome minister lo haci?,ta un pregunta hopi grandi, mirando cu un ambtenaar di embergadura aki no lo tin confiansa mas den dje y no lo por traha den ningun departamento di gobierno como hefe.
Sinembargo kico lo haci dies mande cas y Aruba lo mester keda page un salario ? of ta kite y sake completo for di e aparato gubernamental y no ta un ambtenaar mas?
Ta hopi importante pa pueblo sa si prome minister Evelyn Wever Croes lo tuma un decision husto pa pueblo di Aruba, si lo manda Haime Croes cas y pueblo di Aruba lo keda page tog aunke tur e dañonan cu e la comete na pueblo di Aruba, aparato gubernamental y comerciantenan, of realmente ta tuma e decision di kite como un ambtenaar y na unda cu e no lo por perhudica pueblo di Aruba nunca mas. E desaroyo aki sigur ta uno interesante mirando tur e dañonan causa y cu ta e pueblo di Aruba lo mester bay paga un biaha mas pa actonan y decisionnan di ambtenaar den posicionnan halto y clave di pais Aruba.
Pa loke ta trata Mario Maduro e la ricibi su carta y a implementa un accion disciplinario pa Mario Maduro , consecuencia di esaki ta cu e mester bay cas y warda kico ta bay ta su situacion den futuro.