Den parlamento a tuma luga un reunion publico na unda cu Prome Minister di Aruba a bin splica parlamento di Aruba unda Aruba ta para cu Hulanda cu e negosacionnan pa por paga e debe bek cu a presta na momento ci COVID. Segun Prome Minister pa por recorda dicon Aruba ta na e situacion aki mester dal un stap patras y bay bek dia 13 di maart 2020 na momento cu COVID a yega Aruba pa prome biaha. E tempo aya ya caba a keda pronostica cu Aruba lo ta un di e pais nan cu COVID lo afecta mas hopi mirando e dependencia turistico cu e isla tin. Mercado internacional a cera pa Aruba, nan no tabata dispuesto mas pa presta Aruba placa na e momentonan ey. Sinembargo pa e gobierno actual e prioridad tabata pa scapa bida di hende, tin pan riba mesa y ultimo pa recuperacion di pais Aruba. No ta un secreto cu COVID a bay cu 25% di Aruba su GDP.
Click aki bao like y share
