Aruba ta bay drenta e temporada di campamento y despues di dos aña di COVID ta conoce cu no tabatatin campamento. Actualmente e situacion di COVID na Aruba ta canando den bon direccion ainda cu ta pone cu ta habri espacio cu campamento por tuma luga e aña aki.
Prome minister Evelyn Wever Croes ta duna di conoce cu permisonan ta keda otorga pa cuerpo policial unda cu ya caba varios persona a haci nan peticionnan pa nan por haya un luga pa campa. Cada peticion ta keda trata pa KPA mes.
E beachnan di Aruba ta di nos tur, pero e apelacion ta pa nos tur cuida nos beachnan tambe. Gobierno di Aruba a caba di drecha e beachnan di Arashi, Boca Catalina y eagle Beach pa asina nos tur por gosa di dje. Gobierno a haci su parti y awo ta responsabilidad di cada ciudadano pa cuida nos propio beachnan. Importante ta pa tur hende keda mantene nan mes na e reglanan di e permiso cu ta keda duna pa tur hende por sigui gosa di nan.
Prome minister Evelyn Wever Croes a duna di conoce cu e por a tuma nota di e permisonan cu a keda nenga na fisherman hut y na eagle Beach. Sinembargo na momento cu a bay mira dicon esaki a tuma luga a resulta cu tabatin un mal comprendemento riba e ley di ROPV cu a drenta na vigor aña pasa.
E ROPV ta un ley cu ta conserva nos naturalesa y beachnan, pero e luganan di campamento tradicional ta keda intacto mirando cu campamento no ta algo structural. Cu e parti aki den e ley e camindanan tradicional di campamento por continua, pero teniendo na cuenta cu e reglanan di KPA ta duna y teniendo cuenta cu e orden publico.
Fishermans hut ta un area tradicional y e no lo ta un problema cu e hende nan por campa, y na Eagle beach ta un luga unda cu semper por a campa y e parti aki tambe ta posibel pa campa. Sinembargo responsabilidad ta keda na cada un di nos cu ta presta e areanan aki pa cumpli cu e reglanan di KPA. Ban gosa pero ban cuida nos naturalesa y tambe cuida nos mes pa e COVID.
Dus campamento no mester ta un problema, pa dos motibo ley ta bisa cu locual cu tabatey caba y cu ta un tradicion caba por continua, y e ley ta bisa tambe si e no ta structural e por continua y campamento ta cumpli cu e dos condicionnan aki.
