Na Kòrsou 39 kandidato a kuminsá ku e Promé Formashon Militar (Eerste Militaire Vorming EMV) pa Militarnan di Karibe.
Durante un periodo intensivo di 9 luna e kandidatonan ta siña tantu na Kòrsou komo na Aruba, entre otro habilidatnan básiko militar, maneho di armanan militar, i nan ta sigui un treinen di vigilansha i siguridat.
E interes di e Militarnan di Karibe ta grandi: mas ku 300 hòmber i muhé di Aruba i Kòrsou a mèldu durante aña ku a pasa.
Despues di un prosedura di un selekshon estrikto, ku a tuma lugá na prinsipio di e aña aki, a selekshoná e kandidatonan mas adekuá pa partisipá na e formashon.
E grupo aktual ta konsistí di 11 kandidato di Aruba i 28 kandidato di Kòrsou, di kua 3 muhé i 36 hòmber.
Defensa ta kontentu ku mas i mas muhé ta mèldu nan mes pa e formashon pa Militar di Karibe. Kuminsando Djaluna muhé i hòmbernan entusiasmá por registrá di nobo.
E formashon no solamente ta brinda e chèns pa desaroyá habilidatnan militar, pero tambe pa aportá na seguridat i protekshon di nan pais. E lote benidero lo kuminsá aña ku ta bini ku e Promé Formashon Militar.
Registrashon pa e formashon pa bira Militar di Karibe por atraves di e página wep werkenbijdefensie.nl/werken-als-caribische-militair.
