Prome cu AVB y Head of refree cuminsa na pensa pa straf importante ta pa wak un spiel y mira e refleho

Final di Aruba su futbol ta refleha e cara di maneho di Arubaanse Voetbal Bond (AVB), Diasabra anochi tabatin un expectativa pa final di Aruba su futbol division di Liga Oro un final spera di clasico di historia Dakota /RCA, den tur tempo cu e dos ekiponan aki ta confronta otro for di decadanan 60 ta cu diasabra anochi semper tabatin tin su tensionnan,tokenan y semper tabatin su tensionnan, Sinembargo diasabra anochi un wega cu tabata asina bon hunga , pero cu un team di referee zwak.

Aruba tin mester di un cambio di vision di futbol na Aruba y si no bin un cambio lihe futbol na Aruba lo drenta den un decadencia. For di aña 2001 bin Aruba por a conta cuanto biaha Aruba su futbol por a termina den goso y alegria.

E wega di ayera por a termina sin ningun toke di violencia y hopi biaha kier acusa e hungadonan so of dirigentenan, pero ki dia ta cuminsa pone ordo di berdad na esunnan cu tin cu pone e maneho di futbol drey.

Diasabra anochi na algun seconde pa partido termina ta bin un infraccion den e cancha di RCA. Na momento cu e hungado di Dakota ta dal den e keeper cu ta cay na suela y referee a fuit wega y a termina e wega.

Pero ey ta caminda cu e pelea a cuminsa y referee no tabatin e wega bao control.  E videonan ta papia pa nan mes unda cu e capitan di RCA ta confronta e hungado di Dakota y nan dos ta cuminsa un bay bin cu na final tur cos a bay for di man pa motibo cu arbitro cu algun seconde mas pa e wega caba enbes di pone e autoridad cu e tin di yega na e dos hungadonan aki pa duna indicacion of sea ta calma of ta duna carchi geel pa calma e situacion y move tur hende for di eybao pa asina laga e keeper saca e bala y despues fluit e final cu por a calma e tension, esaki no tabata e situacion.

E referee den e caso aki a opta pa hala un banda para hunto cu su assistentnan wak henter e situacion sin actua pa para e situacion, pero un di e cabes nan di referee cu ta yega subi tereno baha nan y bay cu nan.  E referee cu a fluit wega a laga hopi di desea  den e wega final unda cu no a mustra e autoridad y domina e wega, pero e la laga e wega domine. Tur wega cu referee matos a fluit a termina den discusionnan   y a termina cu polemica, esaki mester por ta un señal.

Den un final di un wega asina importante a pone e referee cu mas a crea confusion di polemica den tur e weganan cu e la fluit. EA news por a comprende cu no ta e grupo aki di referee mester a fluit e wega aki , pero cu diabierna ultimo den oranan di atardi presidente di AVB a yama head of referee y duna ordo pa cambia e referee cu originalmente mester a fluit, Kico tur tin di berdad tras di esaki ta importante pa sa.

Tambe EA news ta na altura cu ya caba AVB y Head of referee a core bay wak tur video pa sanciona tur e hungadonan.  Awo e pregunta ta keda di ambos banda di club tanto di RCA y di Dakota , kico ta e sancion cu cuerpo arbitrual ta ricibi na momento cu nan como referee ta comete tipo di mal decisionnan y actuacionnan di no autoridad riba veld cu ta causa tipo di actuacionnan aki.

Loke cu mester ta bon cla cu no ta hustifica ningun violacion den deporte y menos den e deporte di futbol. Na momento cu ta papia di fareplay esaki mester conta pa dirigente manera AVB,Head of referee y tambe a hungadonan.

No ta un secreto cu Sra. Monique Ras den henter e campeonato tin un problema cu tur club na Aruba unda ta cuestiona nan maneho, clubnan ta rabia riba e parti aki, debi cu ta huzga so y no ta bin cu solucionnan. Ta importante cu AVB bin padilanti y splica comunidad y amantenan di deporte cuanto referee , sra Monique Ras cu ta head of referee a produci  y cu a pasa e testnan di FIFA, of cu ta sikiera riba lista cu kier yega pa pasa e test di FIFA pa tin referee na Aruba.

Ta un momento cardinal pa decisionnan pa un miho maneho di AVB keda implementa paso no por ta posibel cu ta staf hungadonan y dirigentenan, pero e mal calidad di no conocemento di regla y autoridad di referee nan ta causante di e decadencia di futbol di e ultimo añanan. Tambe na dirigentenan di club nan  no mester acepta tipo di caracternan y actitud cu e unico intencion y actitud cu e hungado ta bin veld cu ne ta rabia, odio, vengansa y cosnan personal riba tereno.

Loke cu ta un realidad cu si no actua awo tur e placa cu ta wordo gasta pa drecha compleho deportivo Guillermo Trinidad lo bira envano. Autocritica ta importante y dirigentenan di AVB tin un responsabilidad si di berdad nan kier traha pa futbol, mester sinta hunto pa asina mira con por mehora e situacionnan aki si di berdad tin futbol na curason. No mester enfoca solamente pa yama reunionnan general solamente pa core pusha pa relato financiero pa ricibi placa di FIFA pa sigui biaha rond mundo riba costo di dirigentenan cu ta traha boluntariamente duro pa logra haya sponsornan pa nan club.

Si no reflexiona di loke cu a pasa diasabra ultimo futbol di Aruba ta cana den un mal direccion.