Sra Gertrude Hassell no ta un persona desconoci den nos comunidad e la dedica su bida na sirbi pais Aruba den diferente forma. Sra. Gertrude Hassell mihor conoci como Trudy Hassel a cumpli 40 sirbiendo Aruba y esaki no tabata solamente na cuerpo policial Aruba.
Sra Hassell a drenta gobierno na aña 1983 unda cu a bay traha na departamento huridico pa mirando cu e tempo ey tabata studiando ley. Despues di esey na peticion di defunto hefe Ciso Martis di archivo nacional pa asina purba di lanta archivo nacional, den e trayectorio aki a bay studia afo pa e parti aki na Hulanda y Merca y na momento cu a bin bek oficialmente a lanta archivo nacional como parti di departamento interne diensten na aña 90.
Sinembargo sra Trudy Hassell tabatin algo den su curason desde cu e ta un mucha di 9 aña y e la vocifera esaki tambe na su mayornan. Su anhelo tabata pa bira polis, pero den e generacion ey no tabata wak hende muhenan como polis. Segun sra Trudy Hassel pa e tempo ey no a haya apoyo di su mayornan pa por bira polis y mayornan a pidie pa kies un otro profesion.
E deseo pa bira polis a keda den su curason y awendia sra Trudy Hassell ta kere na momento cu cualkier persona tin algo den su curason y cu e tin e deseo di haci esey den su bida tardi of trempan lo e haci e profesion cu ta biba den su curason.
Na un edad di 35 aña a dicidi pa bay sigui su soño cu e tabatin cu su 9 aña y a keda selecciona pa bay haci opleiding di polis na Politieacademie Appeldorn na Hulanda, pa e tempo ey ya caba sra Hassell tabatin dos yiu y na momento cu a yega Hulanda tabata un comienso nobo y henter un otro mundo nobo, pero na mes momento tabata hopi contento pa cuminsa cu e prome stapnan pa logra su soño.
For di 1995 pa 2023 ta e cantidad di tempo cu tin formalmente den cuerpo policial, pero tambe a traha na otro departamentonan di gobierno y na unda cu tin un bista y conocemento riba varios tereno, pero principalmente na momento cu ta traha den cuerpo policial.
1 comment
[…] Source link […]