Awe mainta e di tres minister di partido AVP a wordo detene den oranan di mainta. E prome tabata Paul Croes den caso IBiS y awo ta Benny Sevinger den caso Avestruz .
Caso di Avestruz keto bay ta bou investigacion. No ta di awor ta investigando pero pa algun aña caba, for di 2017. Sinembargo awo a yega e proceso di detencion y interogacion di tur esunnan concerni.
Despues cu pa varios dia tin 4 persona deteni, awe a haci detencion di ex minister (AVP ) di Infrastructuira Benny Sevinger. Landsrecherche cu ta haci su trabao, a busca e ex mandatario unda cu e tabata y a bay cu ne warda di polis pa interogacion.
Den e caso di Avestruz tin Leoncita Arends, Freddy Every y Franklin Abath cu ta deteni na e momentonan aki ainda. Recientemente a detene Mary Hsing, pero ta den libertad condicional te na e momentonan aki.
Exminister di Infrastructura di partido AVP a keda deteni na e momentonan aki y mester bisa si cu su persona a postula su mes un biaha mas riba e lista di AVP pero di number chikito e propio lider Mike Eman a dun’e e ultimo number riba e lista politico.
Esaki ta di dos mandatario di AVP cu ta envolvi como sospechoso di corupcion. Prome mandatario tabata Tico Croes den caso di Fondo di desaroyo San Nicolas ,Raisetrack , pero cu a bandona Aruba y cu despues di 10 anja cu ta for di Aruba no por a persigui e persona mas, despues ta Paul Croes y e di tres awo ta Benny Sevinger di e mes un partido berde di AVP lídera pa exprome minister di Aruba Mike Eman.
