DierenLot Kids, den kolaborashon ku Stinapa, NOS TV, organisashonnan di ayudo na bestia i Entidat Públiko Boneiru a traha un programa di televishon edukativo tokante bestia na Boneiru. Den e seri di ocho episodio hóbennan boneriano di entre 14 pa 16 aña ta bai bishitá diferente organisashon di ayudo na bestia pa siña mas tokante bestia na nos isla.
Djaluna anochi a presentá e proyekto den forma festivo na e personanan enbolbí i prensa ku tabata presente. Miéntras e invitadonan por a disfrutá di algu di kome i di bebe, tabatin presentashon di vários parti kòrtiku for di e programanan. Nan a presentá e Buki di Aktividat DierenLot Kids tambe. Den e buki akí tin informashon i tarea dibertido relashoná ku loke por mira i siña den e programa. Ta bai trata kontenido di esaki den grupo 7 i 8 di skol básiko tambe. Ku e proyekto konhunto akí e produktornan ta spera di por duna un aporte na konsientisashon tokante nos bestianan i di e manera akí yuda redusí sufrimentu di bestia na Boneiru. Tur hende por wak e programa riba entre ontro https://www.dier.nu/dierenlot-kids i por download e buki tambe via https://www.dier.nu/uploads/pdf/print-dierenlot-doeboek-1-40-vdproof.8a3c6c.pdf
![Programa Di Televishon Den Ocho Episodio Tokante Bestia Na Boneiru 159 Programa Di Televishon Den Ocho Episodio Tokante Bestia Na Boneiru...](https://www.eanews.com/wp-content/uploads/2023/03/Programa-di-televishon-den-ocho-episodio-tokante-bestia-na-Boneiru....jpg)
1 comment
[…] Source link […]