- Siguridad den Bario
E enfoke lo ta basa riba prevencion. Recientemente a presenta e resultadonan di e investigacion die estudio titula: “Quality oflife of Aruban Youth”. Por media die estudio aki a deduci e importancia di siguridad den Bario. Ministerio di Husticia y Asuntonan Social kier inverti den un forma sostenibel den e barionan.
E proyecto aki a wordo scogi pa combati criminalidad, pero en particularmente pa haci e barionan menos atractivo pa e diferente tiponan di crimen. E enfoke di esaki ta wordo mira como un oportunidad unico pa por transforma e barionan di un factor di riesgo pa uno cu ta ofrece oportunidadnan na hobennan y demas ciudadanonan.
A base di un maneho entre demas Ministerionan como tambe socionan den e sector semi publico y priva, lo presta atencion na un miho mantencion di e tiki camponan deportivo y parkenan infantil cu tin, lo crea mas programanan recreativo pa hobennan, lo percura pa tin miho y mas luz den e barionan, lo percura pa tin mas siguridad riba caya pa asina muchanan por hunga mas trankil. Tambe lo percura pa bin cu mas “after-school programs” cu contenidonan hopi diverso.
Di e manera aki, bo por logra haci e programa uno mas atractivo pa un grupo mas grandi di hobennan.
Sociaal Crisisplan
E Sociaal Crisisplan lo continua den e cuadro financiero actual. Esaki ta significa cu e proyectonan y e programanan lo wordo introduci den fase. E sistema central di regristo lo bay na vigor na principio di 2022. Inicialmente, manera a wordo indica, lo inverti den prevencion. E atencion lo ta basa riba “centro pa hoben y famia”, un enfoke “colaborativo” die problemanan social a traves di scolnan y programanan cu ta stimula e desaroyo di e capacidad di hobennan.
E “Family Justice Center” lo bira un realidad. Lo presta atencion nae inversionnan cu mester wordo haci pa e “front-office” coma tambe e “back-office”.
Departamentonan manera HOH, OM, JZP, DVR, DSZ y BSO lo haya recursonan necesario pa, no solamente percura pa por haci investigacionnan mas profundo, pero tambe pa por brinda un miho servicio na e victimanan.
GGZ en verslavingszorg
Ministerio di Husticia y Asuntonan Social tin como meta pa logra cera un cooperacion mas estrecho entre e departamentonan y fundacionnan encarga cu salud mental y adiccion. Esaki lo ta a base di un plan di presupuesto neutral.
E intencion aki ta implica e proceso pa un mayor disefio y profesionalisacion di ambos tipo di trabou pa facilita e proceso di haya un cita y mehora e capacidad di por haci screening inicial pa loke ta trata asuntonan psiciatrico y asuntonan di adiccion.
Recientemente fundacion FMAA a duna un agencia di investigacion independiente e tarea pa hiba un investigacion y a base di recomendacionnan aki, lo tuma,pasonan mas concreto pa asina fortalece e atencion primario pa Joke ta trata “GGZ en Verslavingszorg”.
Esaki lo haci cu e atencion lo ta uno mas accesibel y lo reduci tambe e lista di espera. Un di e condicionnan estricto mara na esaki ta cu lo mester bay bin un re.capasitacion di e recursonan asigna nae fundacionnan.
- HUSTIClA
Husticia ta un ekipo esencial pa Gabinete Wever-Croes II, percurando cu lo inverti den e cadena hudicial. E enfasis di e inversion lo no ta limita na cierto departamento so, si no lo percura pa inclui tur departamento como igual. Combati criminalidad ta e meta principal pa cu e inversion, cue enfoc’e riba prevencion, deteccion, persecucion, detencion y ultimamente re integracion.
Organisacion y Personal
Hunto cu e sindicatonan y departamentonan hudicial, lo haci un inventari- sacion pa asina por tin un miho bista riba loke ta vital pa cada departamento. Lo crea un plan a largo plaso pa loke ta trata e compra di tur material, uniform y otro necesidadnan cu ta pertenece na e pakete di uniform di personal.
Ademas di e parti di material, mester tene na cuenta cu e cursonan y educacion cu ta necesario pa e personal, pa asina nan no cay atrasa den nan promocion.
Pa por logra e metanan di e plan di maneho y cumplimento di regulacion y leynan di organisacion y personal, e participacion di e sindicato ta esencial. Ministerio di Husticia lo percura pa stimula e cooperacion a base di palabracionnan concreto y encuentronan structura, unda por formalisa esaki den un comision.
Prevencion a base di informacion y inteligencia
E proyecto nobo di ICT cu lo reemplasa e sistema anticua “thin clients / ICT-systeem” di nos cuerpo policial KPA, tin e nivel mas halto di prioridad na e rnomento aki. Den cuadro di e importancia di esaki, lo inverti den e cooperaction entre e proyectonan ICT y e intercambio di informacion di e diferente departamentonan den e cadena hudicial.
Adhunto di esaki lo ekipa e vehiculonan di patruya cue “mobile date terminals”. E inversion aki no solamente ta percura pa un miho esfuerso desplega di nos ekipo di patrulla, pero tambe lo mehora e siguridad di nos agentenan, fuera di provee miho servicio na nos comunidad.
“High impact crimes”
Den e aspecto di combati criminalidad, e enfasis lo keda riba e delitonan di “high impact”. Delitonan di impacto grandi ta wordo categorisa a base di e impacto cu e tin riba nos ciudadanonan, manera; (1) Atraco (2) Artaco di Domicilio (3 Hortamento di vehiculo (4)
Abuso/Asalto (5) Corupcion (6) Abuso Sexual.
Cu un miho base di acceso na informacion ye “mobile data terminals”, nos patruyanan por wordo despacha cu miho resultado, pa asina mantene un miho control y maneho riba e casonan di robo, atraco na domilicio y hortamento di vehiculonan bou di control.
Corupcion
Recientemente a tuma un desicion a base di acuerdo mutuo, unda lo percura pa no corta den e presupuesto di e departamentonan cu ta encarga cu combati corupcion. E efectividad di combati crimen organisa ta rekeri hopi expertisio y inversion financiero. A crea un plan di maneho cu tin como meta principal pa crea un unidad specialisa pa combati corupcion cu Ministerio Publico.
Plan di maneho contra Abuso Sexual
E tema di abuso sexual ta un tema cu sigur a ricibi hopi atencion den e prome simannan di gobemacion. A base di un analisis profundo, a logra constata kico ta haci falta den e parti di ley, plan di maneho y materialnan necesario. Ministerio di Husticia y Asuntonan Social a tuma e cargo y ta asisti door di Departamento di Legislacion y Asunto Huridico, Ministerio Publico y Departamentonan di investigacion.
E prioridad di mas grandi lo bay na e educacion di nos profesionalnan, pa asina por entrega casonan hermeticamente cera y completo na nos corte. Den cuadro di esaki, ta importante pa notifica cu prome cu fin di afia 2021 lo tuma luga e prome curso pa asina prepara nos agentenan y profesionalnan den e proceso di interogacion di mucha/hobennan.
Proyectnan di Justicia y Asuntonan Social
E plan di maneho ta wordo basa riba varios proyecto clave cu lo wordo delinea como e siguiente proyectonan;
- E necesidad di reforrna e Scol di Polis den e Academia di Husticia y Siguridad Aruba, pa asina percura pa desaroyo y ehecucion di cursonan, training y educacion necesario pa e departamentonan cu ta forrna parti die cadena hudicial, no solamente cuerpo
- Independisa e departamento di examen di
- Introduci un directorio
- Introduci vigilancia
- Explora posibilidadnan pa yega na un centro di detencion pa
- Trayectonan di promocion profesional pa nos personal den e sector
Maneho di genero y empoderamento di hende muhe
E enfoke di maneho di Gabinete Wever-Croes II ta pa pone e ser humano central, cu atencion especial riba eradica tur clase di discriminacion contra hende muhe y mucha muhe. Avanse den logra igualdad di genero y empoderacion di e hende muhe ta un pilar fundamental di derechonan humano. Pa Aruba por sigui progresa y recupera di e crisis ocasiona pa e pandemia di Covid-19 y re-activa economia, ta crucial pa implementa un plan strategico, un cuadro institucional y un maneho nacional di genero (‘National Gender Policy’).
E metanan principal ta igualdad di genero y participacion di hende muhe y mucha muhe den tur aspecto di nos sociedad pa asina promove desaroyo economico inclusivo, acceso na educacion, eleva calidad di bida di nos comunidad, y sigura stabilidad politico na termino largo.
Institutionalisa cuadro di maneho y implementacion strategico y coherente pa promove igualdad di genero y empoderacion di hende muhe;
- Provee guia y hermentnan necesario pa integra aspectonan di genero den institutonan publico cu un base multi-disciplinario;
- Conscientisa comunidad riba e importancia di igualdad di genero y empoderacion di hende muhe pa desoroyo sostenibel di Aruba;
- Elimina normanan social tradicional, actitudnan y custumbeman cu ta encurasha y permiti consideracion di e rol di e hende muhe como uno inferior;
Stimula participacion di mucha muhe den sciencia, tecnologia, ingenieria y matematica (‘STEM’)
Minister di Asuntonan Social y Husticia y Minister di Asuntonan General ta encarga cu delinea y ehecuta e programanan pa logra e metanan menciona.
