Profesor Renske Pin a duna su presentacion na studiantenan y prensa riba e investigacion cu a keda haci. E profesor cu su team a haci un investigacion extenso riba media na Curaçao for di 2013 pa 2015 y despues a haci un investigacion na Aruba den aña 2016 -2017 cu a haci un quickscane, pero tambe a haci un analisis den e islanan BES den 2020. Mas cu 10 aña Profesor Renske Pin a traha entre e islanan riba periodismo den e islanan pa asina haya sa kico ta nan proposito y nan retonan riba e islanan.
E tema di e seminario ta Integridad Media, pero cu si tin integridad den media esaki ta un parti cu hopi reto awendia. Sinembargo den e seminario por a discuti riba diferente topico y esey ta interesante y importante. Ta trata aki di privacidad di hende. Dependiente di comercial, independiente di comercial, politica y tur e influencianan cu tin rond.
Segun Profesor Renske Pin loke cu por a tuma nota na Aruba cu a rol como e wachdog tin momento e ta un reto cu e media tin, pero integridad ta forma parti di esaki tambe. Un media mester ta independiente, media no mester ta un persona cu ta papia como un vocero pa gobierno, Tampoco nan no mester haci propagandanan pa ningun compania pero nan mester ta independiente.
E manera cu un media mester traha ta den un manera profesional, transparente, tin fact check, traha riba humanidad, defini sea ta hurt of no hurt un ciudadano, ta mas consciente e poder cu bo tin pa yuda un humano of destrui un humano. Tambe media no mester confundi kico ta MEDIA y Marketing ta dos tipo di funcion completamente diferente y media mester ta independiente di e marketing. Asina por keda trece algun puntonan cu media mester por tene cuenta cu ne.
Profesor Pin ta kere cu ta hopi importante pa tur hende sa nan rol y ta para pa e rolnan aki y ta cauteloso pa no mete of ta cerca di media debi cu prensa mester ta independiente. Tambe ta importante pa gobierno keda leu di media y kisas por pensa riba un pot independiente pa periodistanan, esaki ta algo cu gobierno por haci unda cu gobierno por pone placa den e buged aki y unda cu un board independiente lo mester dicidi den e parti aki y no ta e gobierno mes.
