Un persona cu depresion y of den proceso di divorcio y of otro tipo di situacionnan no controlabel na momento cu un persona perde su focus y balans y cu ta den un situacion delicado e momento ey no ta haya ayudo na momento cu e tin mester di dje.
Na momento cu un persona ta den un situacion asina delicado e ta drenta un dia den un pik halto cu na e momento ey e mester di e sosten, sinembargo esaki no tin. Berdad cu cita pa tratamento tin su procedura y esey esnan cu ta menos afecta den e momento ey por wanta pa su cita, pero esnan cu ta den e pik di mas halto cu e risico ta core cu e por e momento ey pone su bida na peliger no tin un yudansa pe cu urgencia.
Esaki ta e parti cu hopi biaha e persona ta sinti cu e no mester mas y ta bay y no ta regresa mas paso di un manera of otro pa su mayan si e no a comete un disparate e ta mas trankil y no ta sinti e necesidad mas di ayudo , pero siendo e mester di dje.
Mundo en general ta pasando den momentonan dificil, pero e realidad ta con nos ta trata cu esaki pa yuda hopi mas hende na momento cu un persona yega na e limite ey. Ayudo tin , pero ayudo den e momento mas vulnerabel cu ta algun ora riba un dia stipula di e sistema di e persona esey ta e momento cu mas ayudo e tin mester di dje y e no ta hay’e.
Na momento cu combersa cu un ciudadano cu ta pasa den e parti aki, el a duna di conoce cu mescos cu tin un Prome Auxilio / emergencia pa cosnan grave, asina mester tin tambe un servicio di ayudo pa personanan cu problema social/ psicologo.
Esaki ta netamente e punto principal cu ta desvia e persona den e crisis ey pa e no yega eerstehulp cu hopi biaha ta casonan lamentabel caba. Sinembergo Aruba no ta brinda e servicio aki , pero e personanan na e momento di su pik , lo mester bay su dr di cas , pidi un verwijsbrief y despues haci un afspraak y despues di e lista cu mester bay prome lo haya su dia.
Esaki hopi biaha e persona cu ta den su pik di depresion y desesperacion of cualkier situacion cu tin’e for di balans no lo cana e proceso aki pa haya su ayudo. Hopi biaha esaki ta esnan cu no ta bolbe bek pa haya e ayudo tampoco.
Kico por wordo haci cu e parti aki pa esnan cu mas tin mester di dje. Expertonan den mundo social nunca no a papia di e parti aki y siguramente nunca no a atende y pone un formula pa e ser ey cu tin mester di e ayudo pasobra e ta den un extremo vulnerabel.
Ora ta asina bo ta mira claramente den e forma di papia, actitud y e necesidad den su wowonan. Mayoria biaha e hende nan aki ta bin hopi nervioso y hopi intrankil, bebi ,sushiy no por para keto. Un diferencia grandi na esnan cu tin cita y cu ta bin modera pa haya su tratamento y of yudansa.
Tin un diferencia entre e dos tipo di pashentnan aki y sigur esun cu mas tin mester di e ayudo e momento ey, net e persona ey no ta haya e yudansa cu e tin mester. Sigur un situacion tristo mirando den aña 2021 cu nos ta y cu ainda no por trece un miho yudansa pa e persona su mente no domin’e y e scoge un caminda robes.
Ta spera cu e punto prinsipal aki por keda atendi y mira mas di serca con por trese solucion na e personanan den nan estado mas halto emocional por keda yuda mesora. Un punto sigur cu instancianan y gobierno por elabora riba dje.