No ta trata solamente pa soluciona e problema technico , pero e avalancha di turistanan cu mester Sali di Aruba y esnan cu mester drenta tambe tabata desicionnan cu mester a tuma mesora.
Aeropuerto di Aruba mester a deal cu su pasaheronan principalmente cu ta un diabierna cu ta un dia hopi druk na aeropuerto. Tin un total di casi 4 mil pasahero pa drenta y Sali di Aruba. Aki ta caminda cu mester a tuma decision pa e turista no bin aeropuerto paso no por a procesonan pa nan vuelo. Den e caso aki inmediatamente mester a cuminsa informa hotelnan pa asina yuda aeropuerto pa wanta e pasaheronan mas hopi cu ta posibel na hotel te na momento cu duna e luz berde cu por laga nan bin aeropuerto pa asina mira kico ta e siguiente accion cu mester tuma.
Segun Jurgen Benschop na momento cu a tuma e decision pa extende e orario mirando cu e trabounan no a caba y e ta hopi mas grandi di loke a spera. Den e proceso aki a avisa Crisis Management Office Aruba CMO pa asina haya asistencia di gobierno debi cu na e momento ey pa asisti tur e turistanan e momento ey Aeropuerto di Aruba su so no por a hendel e situacion ey.
Tabatin casi 4 mil pasahero cu tabata pega na Aruba cu mester Sali y e hotelnan mester check out y asina tur e turistanan mester a bin aeropuerto , pero no por a procesa e turistanan ainda. Asina cu e turistanan a yega a trata di comoda e turistanan na Hyatt Place cu cuminda y coy bebe y pa nan ta sinta den airco pa asina nan ta un poco mas trankil , principalmente e turistanan cu tin yiu.
Tambe a haya bon cooperacion di Palm Tours pa bin cu e busnan y cu nan por a hinca e turistanan den dje y a duna e turista un tour mas riba e isla. Na momento cu e oranan a bolbe wordo extendi a manda e turistanan Gloria unda cu por a duna nan cuminda y Gloria a permiti cu e turistanan cu mucha por a haci uzo di e playgrouwn unda cu nan a keda hopi trankil y contento na gloria, esaki ta un bunita gesto di Gloria.
Na mes momento ora avionnan mester a bin Aruba, nan no por a haci esaki y mester a manda e avion nan pa Boneiro, Corsou, San Juan y hasta tabatin vuelonan cu a cancela pa sali di nan destinacion pa bin Aruba. Mirando esaki e problema logistico pa Aruba a bira mas grandi unda cu tur e hotelnan ta yen y Airbnb nan ta yen. Tabatin alrededor di mas cu 1000 pasahero cu mester a keda acomoda y no por a haya luga pa e turistanan.
Na e momento aki mester a tuma un decision mas mirando cu e problema no por a keda drecha na un manera lihe pa por haya e vuelonan bin bek Aruba , a tuma e decision e ora pa cera aeropuerto di Aruba completo pa e resto di dia pa asina e hotelnan por tin camber , e decision aki a keda tuma den careda di 5 or di atardi riba diabierna 9 di augustus 2024 .
Prome cu a tuma e decision aki a realisa cu si mester laga e avionnan bin Aruba , pasaheronan adicional lo yega Aruba siendo cu ya caba Aruba ta den un crisis cu e pasaheronan cu ta pega na Aruba y si mester laga e avionnan bin y e pasaheronan yega lo ta un problema extra riba un problema cu ya tin caba. Pesey mes a tuma e decision cu cera aeropuerto cancela e vuelonan y na unda cu lo laga espacio pa e mas cu 1000 turistanan cu mester di acomodacion mirando cu nan a keda pega na Aruba door di e situacion cu a surgi na aeropuerto di Aruba.
Mirando cu esaki ta un problema di Aeropuerto di Aruba , a papia cu e aerolinea nan y Aeropuerto di Aruba lo para responsabel pa e gastonan, pero tur cos mester bay via di e aerolinea mes y no cada pasahero bay riba nan mes y haci gasto riba nan mes. Asina e team di maneho interino di aeropuerto di Aruba a maneha e parti di turistanan pega na Aruba, esnan cu mester a bini Aruba y tambe e aeroliñanan.
Managment team interino di aeropuerto di Aruba ta gradici tur technico, companianan, hotel, companianan di tourbus, Gloria y coleganan di aeropuerto, CMO, Rodekruis y tur esunnan di un manera of otro tabata envolvi den henter e proceso un danki pa nan sosten y apoyo pa e proceso aki.
