Aisse Gums un hoben di 24 anja cu a bin Aruba y a haci impacto den mundo di futbol di damas na Aruba no solamente riba wega, pero su caracter y su amabilidad y respet cu e tin. Aisse Gums a bay biba na Hulanda cu su tres anja y semper e tabata hunga futbol riba caya mirando cu placa tabata hunga rol pa por a hunga manera ta e exigencianan na Hulanda.
Sinembargo su pashon pa hunga futbol a keda grandi y cu su 18 anja a dicidi di drenta un club na Hulanda y a cuminsa hunga cu Club GVAV den cuidad di Groningen. Despues di algun tempo a haña oportunidad pa hunga den hoofdklasse di Oranje Nassau y awor ta hungando na Sparta Rotterdam cu ta un beloftecompetitie. E deporte di futbol ta un hobby pa Aisse banda di su trabao como barber.
Cu hopi alegria mirando su contactonan cu e tin cu un amigo cu conoce Abdul cu a habri caminda pe pa por a yega Aruba y por a reenforsa su isla den un delagacion pa competi na Republica Dominicana. Aunke cu e ta hunga cu un team di Hulanda e team di Aruba tabata un team cu e por a adapta cu ne sin ningun problema.
Sinembargo loke cu a resalta, ta e trainingnan y e nivel di Hulanda cu ta hopi mas lihe cu esnan di Aruba y di e dos team nan cu nan a hunga cu nan na Republica Dominicanama, pero esey no tabata un problema debi cu Hulanda ta train su muchanan pa ta hopi mas lihe riba veld. Sinembargo Aisse Gums ta kere cu Aruba mester sigui pusha pa bira mas miho. Den luna di April lo tin un otro wega cu delegacion di Aruba mester prepara pe, preparacion ta duro pero e no ta imposibel. Si mester evalua e team di barbados y El Salvador pa Aisse nan tampoco no ta den e nivel di Hulanda mirando cu nan ta mas lihe y e tacticanan ta un poco diferente.
Aisse ta hopi agradecido na AVB y e ta hopi orguyoso di e team cu e la hunga cu ne. Den luna di april probablemente lo bin Aruba bek pa bay hunga na Panama hunto cu e delegacion di Aruba un biaha mas y ta kere cu lo hunga cu un team di Panama mes. Aisse a bay hulanda bek ayera y ta hopi contento y agradecido cu e oportunidad y sigur lo conta e experiencia aki cu su team di Hulanda y coachnan na Hulanda pa mira den futuro posibilidadnan cu por crea entre team nan di Aruba y Hulanda.
