Prioridatnan pa ku aña 2023 di kada Ministerio di Gabinete Pisas II.

Pa ku e Ministerio di Desaroyo Sosial, Labor i Bienestar ke logra:
1. Un montante reservá riba presupuesto pa traha 36 kas mas i tambe traha un kas na Banda Riba pa nos grandinan;
2. Kumpli ku tur loke tin para den e “Landspakket”;
3. Sigui ku e maneho pa pone mas hende na trabou;
4. Sigui prepará esnan ku ta kobra “onderstand” pa nan pa drenta mundu laboral;
5. Fortifikashon di kasnan di bario ku 40 trahadó èkstra pa mehorá servisio;
6. Subida di Onderstant pa e grupo di entre 60 pa 64 aña ku 7%;
7. Subida di toelage pa nos grandinan ku tin entrada di AOV só ku 19%;
8. I kuminsá ku e proyekto di “E hóben”, ku e proyekto komunitario limpiesa di bario na Tayer Sosial Sta. Martha, ku un ‘werkervaringstraject’ na Total Services; i ku e proyekto di resiklahe “Waste no More”.