E sospechoso prinsipal den e investigacion di e oro cu a disparce for di un vehiculo di transporte di balor na Schiedam prome e aña aki a keda detene na un aeropuerto na Frankfurt, Alemania, polis a informa dialuna. Ta trata di un homber di 54 aña di edad for di e pueblo di Badhoe. E lo tabata e shauffeur di e transporte di balor.
E sospechoso a keda entrega na e autoridadnan Hulandes y a ser presenta na e hues- comisario. E homber ainda ta detene. E sospechoso di 54 aña di edad a sali for di e pais y tabata den un buskeda internacional. E homber a keda detene riba 22 di juli, ora cu e tabata na aeropuerto di Frankfurt ora cu nan a reconoce e homber durante control di paspoort.
Riba 21 di april di e aña aki, un vehiculo di transporte di balor cu mester a transporta oro a ser hañá na e waf nobo na Schiedam. E auto a wordo saca y e shauffeur no tabata conoci.
Tres dia despues, un homber di 19 aña di Amsterdam a keda deteni. E ta sospecha di a saca tur cos for di e vehiculo. E homber ta liber, pero e ta keda un sospechoso.
Te ainda no ta conoci kico a sosode cu e oro. Polis a bisa cu e investigacion ta continua.
Dagblad 010/ANP
