Conseho insular na Saba diaranson ultimo a aproba e presupuesto 2022-2025 pa e defecit di 1 miyon dollar di e presupuesto di 2022 cu ta e reserva general,segun e ehecutivonan na Saba. E presupuesto tin un defecit basta grandi debi cu Hulanda no a aproba e finansas di Saba y cu tambe tin un temporada basta largo cu a keda saca so . E presupuesto pa 2022 na Saba ta mustra cu ta trata di 13.1 miyon tin na salida y 12.1 miyon di entrada. Segun commissaris di financien Bruce Zagers ta trata aki di un presupuesto skelet.
Mayoria di e diputadonan den eilandsraad tabata hopi critico riba Den Haag mirando cu e defecit a wordo crea door di Hulanda y ta stroba e gobierno di Saba pa sigui traha pa hiba e pais dilanti , pero tambe pa por paga bon salario. Sinembargo Saba tin un bon relacion cu Hulanda pero esaki no por bay acosto di Saba y su hendenan. Awor a yega e momento pa sinta na mesa cu Hulanda pa asina splica di e situacion y bisa e berdad pa por yega na un solucion pa e situacion finansiero di Saba, segun Vito Charles . Aunke Saba ta den e situacion aki ta sinti cu tin espacio pa tin un dialogo constructivo cu Hulanda , pero basta trece e berdad y realidad dilanti.
Sinembargo na e momentonan aki un biaha mas Saba lo mester atende y accepta di traha cu un presupuesto cu un defecit basta halto. Sinembargo eilandsraad na Saba ta kere cu mester por haya un sosoten di Hulanda , paso Saba merece esaki y e profecionalismo cu ta trata cu presupuestonan mester keda respeta ,segun miembro di eilandsraad Esmeralda Johnson ta duna di conoce.
Den un reunion miembro di eilandsraad na Saba a expersa cu Saba a spera cu e situacion a bay miho mirando tur e esfuersonan cu a keda haci y a spera cu lo a ricibi miho for di Hulanda , pero tog no a logra esaki, asina miembro di eilandsraad na Saba a duna di conoce den e reunion prome cu a aproba e presupuesto.
