Resultado preliminar di turismo na Boneiro pa luna di mei 2023, ta 12.609 turista stayover. Tourism Corporation Bonaire (TCB) ta anuncia cu den luna di mei 2023 Boneiro a yama bon bini na en total 12.609 bishitante stayover. Den luna di mei di aña 2019 a registra 12.100 bishitante stayover. Cu esaki a registra 4% mas bishitante stayover compara cu luna di mei di aña 2019.
E dos mercadonan di procedencia mas grandi pa nos isla ta e bishitantenan Hulandes, en total 5687 (47,0%) y 3041 bishitante Mericano (25,4%). Nos bishitantenan stayover Hulandes ta principalmente procedente di e provincianan den parti zuid y parti nort di Hulanda, mientras cu mayoria di nos bishitantenan stayover for di Merca ta bini for di e siguiente seis estadonan: Florida, New York, Californië, Pennsylvania, North Carolina i Texas.
Mas aleu 2023 di tur e bishitantenan pa Boneiro tabata procedente di nos isla bisiña Corsou.
Alemania tambe a bini dilanti como mercado prominente pa Boneiro, cu 284 bishitante stayover registra den luna di mei, di manera cu luna pasa Alemania a bira e di cuater mercado cu a presta mas miho.
Mercadonan secundario, entre otro Aruba, Canada, Belgica, Suisa, Reino Uni, Colombia y Brasil a mantene nan participacion den mercado den luna di mei 2023, comparabel cu luna di april 2023.
Continuamente TCB ta evalua e situacion di nos industria di turismo pa medio di vigila e indicadonan mas importante di prestacion y compara esakinan cu e situacion di prome cu e pandemia. Awor aki aña 2019 ta sirbi como barometer pa midi turismo na nos isla.
Bishitantenan for di Merca a keda un promedio di 7 anochi y e bishitantenan for di Hulanda a keda un promedio di 14 anochi. Mas aleu mayoria turista Mericano ta di edad mediano (55+), mientras cu mayoria turista Hulandes ta 45+. Na luna di april 2023 16 barco crucero a bishita Boneiro cu en total 41.465 pasahero.
