Presidente di sindicato USIBO Norwin ‘’Nochi’’Willem: Mester tin mas siguridad na pia di trabao

Presidente di sindicato USIBO Norwin Nochi Willem ta duna di conoce cu no ta tur cos ta placa. Boneiro ta den desaroyo y construccion ta un di e areanan cu tin hopi atencion riba dje, pero na mes momento construccion ta un di e areanan cu tin hopi explotacion di trahado. Esaki ta los for di pago unda cu siguridad ta hunga un rol unda cu ta mira trahadonan ta traha cu slof y sin helm bisti. Segun Norwin Nochi Willem di Sindicato USIBO condicion di trabao mester keda controla y vigila pa asina e trahado tambe ta safe na su trabao los for di placa. Hopi hende ta kere hopi biaha cu ta placa ta felicidad esaki no ta cuadra cu berdad, pero loke cu tambe ta conta ta e ambiente di trabao y e sfeer cu ta traha aden y e proteccion cu tin como un trahado tambe ta importante. Presidente di sindicato USIBO ta kere cu ta importante cu trahadonan mas y mas realisa kico ta e beneficionan di sindicato ora nan ta organisa efectivamente por nifica pa nan como trahado y nan famia.