Manera tur aña nos ta den e sima di Kibra Silencio cual ta cuminsa dialuna dia 19 di september próximo te cu diabierna 23 di september. Mi ta introduci Gladys Kock cu ta nos directora di Servicio pa Quota International di Aruba. E lo elabora mas tocante e campana aki.
Directora di Servico Quota International di Aruba:
Mi nomber ta Gladys Kock, y mi ta e directora di Servicio pa aña 2022-2023.
Ta un placer cu un biaha mas nos di Quota, cu sosten di FEPOH, e organisacion oficial na Aruba y The Specialist, cu nos por brinda e oportunidad na e comunidad di Aruba pa haci e test di oído GRATIS.
Manera boso tur sa, esey ta e meta di Quota y pa añanan nos ta trahando pa conscientisa e comunidad di Aruba riba e importancia di Cuido di Bo Oido. Paso si bo perde bo oido, bo no por recupera esaki nunca mas.
Tur sonido duro ta hopi daniño pa bo oído y ta pesey Quota ta boga pa nos hendenan ta consciente di esaki y pa preveni un daño irevocabel.
Sonido duro ta por ehempel, aparatonan di trabou, den construccion of industria, imprenta, fabrica y mas. Y ta pesey hopi di e lugarnan aki tin medidanan di seguridad (safety measurments). Pero tambe nos tin e parti alegre cu nos tur ta gusta, cu ta carnaval cu hopi musica duro. Y tambe fin di aña cu pagara. absolutamente nada contra esaki, pero si proteha BO OIDO.
Nos ta invita e comunidad di Aruba pa cuminsa yama na The Specialist na number di telefon 290 20 20 y tambe na FEPOH na number di telefon 583 10 15 pa bo traha bo cita pa e test di oído GRATIS.
E siman di “Shatter Silent Week” of conoci tambe como e siman di kibra silencio, ta cuminsa di September 19 pa 23 di september. Asina ta, probecha di esaki. Un danki na bosonan di Prensa cu Semper a sa di apoya nos proyectonan.
