Presidente di Parlamento di RAIZ Raymond Kamperveen a cancela reunion di comision di deporte sin consulta cu fraccion di MEP. E mes un presidente di parlamento aki ta presidente di e comision di deporte y ta presidente di Parlamento a hunga un wega sushi di poder como presidente di comision di deporte tambe a cansela esaki.
Den cuminsamento di e reunion lider di fraccion di MEP Hendrik Tevreden a cuestiona presidente di parlamento riba e cambio aki sin consulta y cu ki intencion e la keda cambia. Na mes momento parlamentario di AVP Arthur Dowers a duna di conoce cu ta importante pa parlamento duna preguntanan specifico y si kier bay den comision pa haci esaki despues, algo sigur contradictorio bayendo parlamento sin informacion di comision di deporte. Aki ta mira cu parlamentarionan ta dirigi y manda riba stoel di presidente di parlamento nobato. Presidente di parlamento RAIZ Raymond Kamperveen den parlamento.
Tambe Lider di fraccion Accion 21 tambe ta indica cu a yama un reunion di comision cu directiva di SSA pa haya informacion prome cu bay den reunion den parlamento pero segun Minguel Mansur no por a haya contacto cu SSA y nan no ta contesta e mail. Sinembargo parlamento no tin ningun informacion cu ta informacion di prensa y algun documento cu e minister di deporte por a comparti , pero esey no ta tur e informacionnan. Esaki ta indica cu parlamento a bay den un reunion di parlamento cu supuesto preguntanan pa e minister sin informacion ricibi for di SSA pa haci pregunta.
Un reunion den comision ta duna e parlamentarionan mas ora amplio pa haci pregunta y haya hopi mas informacion cu un reunion den parlamento. Den e caso di SSA tin hopi speculacion y hopi cos den aire u un reunion den comision por traha riba hopi mas pregunta pa por tin un debate husto den parlamento.
Presidente di parlamento di RAIZ Raymond Kamperveen un nobato como presidente ta keda dirigi y ta mane un mucha manda cuno por tuma desicionnan serio pa un bon debate di reunion den parlamento , na momento cu e la keda corigi door di ex presidente di parlamento Edgar Vrolijk cu e por keda henter mainta ta duna punto di ordo pero ta su persona mester tin e curashi di tuma un decision y sa si ta sigui un reunion cu zero informacion y cu speculacion di e bloke parlamentarionan di oposicion , of ta scoge pa bay bek den reunion di comision unda cu ta manda yama SSA pa tur parlamentario haya informacion debido pa asina hiba e debate den parlamento cu puntonan valido y no speculacion.
Asina mes e presidente di parlamento a sigui cu e reunion y a permiti pa minister Endy Croes haya mey ora pa por splica un proceso sin SSA cu ta e fundacion mes y banda di esaki e presidente di parlamento a limita Endy Croes den su splicacion pa asina parlamento haya informacion y por haci pregunta. Un wega politico y democracia di Aruba ta na peliger den man di RAIZ,MAS,Accion 21, Parlamentario independiente Gerlien Croes e generacion nobo den politica cu ta e destruccion politico di Aruba.
