Presidente di Parlamento Edgar Vrolijk: Lamentablemente e biaha aki IPKO no a duna posibilidad pa debati of bay mas profundo den temanan

E reunionnan di IPKO a cuminsa na Hulanda e apertura a tuma luga na Nieuwspoort. Eynan, e lidernan di e delegacionnan di e paisnan den Caribe y e lider di e delegacion di Hulanda a duna presentacion tocante e ultimo acontecimentonan den e cuatro di e paisnan. Presidente di parlamento Edgar Vrolijk a hiba palabra na e prome start di e reunionnan di IPKO na Hulanda.

Presidente di parlamento a expresa cu durante di e reunionnan na Hulanda cu por tin bon relacion y reunionnan constructivo den e dianan nos dilanti. Di e manera aki crea e lasonan mas fuerte entre e islanan y Hulanda. Sinembargo e biaha aki den e reunionnan di IPKO no ta duna e posibilidad nan den e reunionnan pa debati of bay mas profundo den combersacionnan di otro temanan y presidente di parlamento Edgar vrolijkta kere Personalmente cu esaki ta un oportunidad perdi.

Na 2020 Aruba a sufri di un pandemia mundial y a pidi ayudo segun articulo 66 di e statuto. Aruba a haya e ayudo aki den forma di un prestamo, den forma di COHO y RAFT. E COHO a wordo transforma despues den un sistema onderlingeregeling. Aruba tin cu trata cu e RAFT, un consensus rijkswet l cu Hulanda a pone padilanti cu Aruba paga bek e placa cu el a ricibi durante e pandemia. Nos mester ta cla cu Aruba no a ricibi e 916 miyon como regalo sino como un prestamo pandemico cu Hulanda lo gana riba e pago.

Ora nos bay bek na articulo 66 di e statuto, mi ta puntra mi mes si nos ta bay di e spirito di ley of di e reglanan. Un consensus rijkswet a propone pa haya un interes abou pa e préstamo di pandemia mientras cu nos ta traha mas di 5 aña via decreto nacional basa riba un protocol cu mi ta considera humiliante, segun presidente di parlamento di Aruba Edgar Vrolijk.

Mi kier a referi na dos aspecto, e base legal pa RAFT y un bunita discurso di Prome Minister Mark Rutte riba e pasado di sclavitud. E statuto ta duna dos tipo di ley di estado, ley di estado obligatorio y ley di estado di consensus. E Obligatorio di Ley di Reino ta regula un of mas asuntonan di Reino, un ley di Reino di consenso ta regula un materia cu no ta pertenece na e asunto di Reino, pero na e propio asuntonan autonomo di cada pais.

E punto di partida aki ta cu mester ta trata di un reglamentacion universalmente obligatorio cu lo tin validez den mas cu un pais. Pasobra e reglanan aki, cu ta valido solamente den un pais, lo mester wordo estableci riba base di e reglanan propio constitucional, manera den Hulanda pa ley y Aruba, St. Maarten y Curacao pa regulacion di pais.