Ta temporada di horcan y tur hende mester ta na altura kico mester por haci si Aruba haya su mes den alerta nan peligroso. Presidente di fundacion Alzheimer Aruba Drs. Melva Croes-Yánez ta hopi preocupa, desde 2011 na momento cu e proyecto di “Bisa NO na abuso di adulto mayor “ a keda implementa ya caba tabatin preocupacionnan con e adultonan mayor ta pasa na momento cu tin emergencia of crisis.
Den pasado tabatin un crisis plan y a confia riba nan, Sinembargo den e ultimo tempo na fundacion Alzheimer Aruba ta haya hopi keho di abusonan y pesey mes ta kere cu mester di atencion.
Actualmente tambe tin un tendencia cu abusonan ya caba ta normal unda cu e personanan ya caba a custumbra cu e clase di abuso y no ta ni rapportnan mas na autoridadnan.
Fundacion Alzheimer Aruba ta organisa diferente seminarionan cu ta di importancia, den e seminarionan aki por tuma nota cu bou di comunidad ta biba un situacion delicado cu e adultonan mayor te ainda no sa kico nan mester haci na momento cu tin abusonan ta cometi cu nan. Den e seminarionan aki tambe ta ser puntra na e adultonan mayor si nan ta prepara pa horcan y pa sorpresa ningun di e adultonan mayor sa kico nan mester haci si un horcan mester bin.
Riba e diferente preguntanan cu a keda haci relata cu horcan lamentablemente tabata no , nan no sa kico pa haci na momento cu un horcan mester pasa den cercania di Aruba. Tambe e adultonan mayor ta raporta cu ningun hende no ta acerca nan y duna nan e informacion necesario.
Actualmente tin diferente persona ta acercando fundacion Alzheimer Aruba pa asina por cera un grupo pa forma un voz hunto pa e adultonan mayor cu ta keda abusa.
Segun Presidente di fundacion Alzheimer Aruba Drs. Melva Croes-Yánez tin un rapport di United Nations cu ta papia unda horcannan a pasa y e cifranan di mas halto di morto ta trata di e adultonan mayor of e invalido nan ta esunnan cu ta fayece den henter e proceso aki.
Te ainda Presidente di fundacion Alzheimer Aruba Drs. Melva Croes-Yánez no por compronde cu te ainda nos no ta siña nos les di e resultadonan di e cantidad di rapportnan cu ta keda traha y informa con e situacion ta.
Ta di lamenta e mentalidad di autoridadnan unda ta indica cu nan no kier lanta panico den nos comunidad , pero ta hustamente na momento cu bo no ta bisa un hende di e situacion y ta laga hende den insiguridad , ta e momento ey lo haya un situacion di panico.
Ta di lamenta cu un horcan cu ya caba a pasa y haci un poco efecto riba Aruba e adultonan mayor no ta informa riba kico nan por haci. Presidente di fundacion Alzheimer Aruba Drs. Melva Croes-Yánez a puntra diferente adulto mayor si nan a haya un manual pa sa kico mester haci na momento di cu calamidad, lamentablemente ningun di nan a ricibi esaki tampoco no ta na altura kico pa haci.
Presidente di fundacion Alzheimer Aruba Drs. Melva Croes-Yánez ta kere cu mester bin cu un cambio y como instancianan nos mester ta mas uni cu comunidad. Te na e momentonan aki ta tende cu e cliente ta central, e adulto mayor ta central pero e comunidad di adulto mayor na San Nicolas no ta kere den e palabra nan aki.
Sinembargo e adultonan mayor mester keda inclui den e plannan cu ta keda crea pa nan y no cu nan. E situacion ta di lamenta cu comunidad mester dies sinta warda y scucha kico autoridadnan ta bisa di nan y como adulto mayor nan mes no ta wordo consulta, Aki ta caminda cu Presidente di fundacion Alzheimer Aruba Drs. Melva Croes-Yánez ta kere cu e cambio mester bin entre autoridadnan y adulto mayor.