Presidente di comision di transporte na Parlamento Raymond Kamperveen ta duna di conoce cu e reunion cu e taxistanan a dura tres ora unda cu tabatin hopi informacion, preocupacion, pregunta , pero tambe a trece solucionnan padilanti. Mas cu tur cos ta wak cu e preocupacion di e taxistanan ta e dos MB nan ,. E splicacion ta cu un MB no por bay prome cu un landsverordering cual cu e taxistanan tin nan rason.
Pero un MB ta algo cu minister ta propone su maneho y na momento cu e ta asina leu cu e kier cambia un ley y kier hinca e MB nan aki den un ley e mester bay parlamento. Segun Presidente di comision di transporte na Parlamento Raymond Kamperveen e ora ey e ley ta bay cana su caminda di adaptacion unda cu mester cana e caminda di raad van advies y despues mester bay parlamento pa asina parlamento por vota.
Presidente di comision di transporte na Parlamento Raymond Kamperveen ta kere cu e reunion tabata hopi bon unda cu a haya un miho bista di kico tur ta e preocupacionnan , paso e preocupacionnan no ta solamente e dos MB nan pero ta hopi puntonan ta hungando un rol. Algun di e puntonan ta e trafico cu ta keda pega, Aruba tin hopi auto na Aruba. E concurencia cu no ta eerlijk unda cu T y O ta haci trabou di taxi miemtras nan no mag/por, tambe e funcionamento di DTP , control nan cu mester tuma luga.
Presidente di comision di transporte na Parlamento Raymond Kamperveen ta duna di conoce cu berdad Aruba tin hopi ley pero hopi di e ley nan aki ta bieu pero e maneho y of e control cu mester tuma luga y e leynan no ta wordo uza manera debe ser. Esaki por ta hunga hopi factor, kisas ta door di falta trahado extra cu mester, awor lo mester bay balansa pa mira con lo bay hinca y drecha e situacionnan aki.
Sinembargo tambe tin technologianan cu por uza, tambe a keda treci padilanti e parti di emocion unda cu a haci pregunta riba e taxi meter y un taxi app. A delibera riba diferente puntonan y nan mes tambe a trece diferente solucionnan padilanti.
Diahuebs awo Minister Ursell Aredns a keda yama pa e comision di transporte di parlamento pa asina delibera y haya sa mas tambe kico ta e intencion di minister pa cu e taxistanan, mirando cu den porta di eleccion kier tr5ece dos MB asina fuerte pa e taxistanan.
