Pa dia di Himno y Bandera gruponan di Harley a uni y a core pa e weekend largo di dia di Himno y Bandera na Aruba. Gruponan di harley di Boneiro y Curaçao tambe tabata presente y a join e grupo di harley nanna Aruba unda cu Club di Harley Camacuri a organisa. Presidente di Club di harley Camacuri Buchi Croes ta sumamente contento y emociona con tur cos a bay. E biaha aki a yega na un inscripcion di 560 hende cu nan harley a inscribi. Na momento cu nan tur ta baha for di San Nicolas bin abao tabata un bunita bista y sentimento di mira e cantidad grandi di harley cu ta baha e seroe di seroe theishi, esaki sigur ta un parti bunita y emocional pa Buchi camacuri.
Presidente di Camacuri ta gradici tur e clubnan local cu ta sostene otro y tambe ta gradici e clubnan di harley di exterior di Boneiro, Curacao,St Maarten y Surname cu tambe ta uni cu Aruba su clubnan pa e ride di 18 di maart na Aruba.
E aña aki ta di 27 aña cu Buchi Camacuri Croes ta dirigi e club di harley y e deseo ta pa yega 30 aña pa dirigi e club y ta yega 6 lustro y ta spera cu lo por logra yega na su propio club. Aunke hopi hende no ta kere of pensa riba e parti aki na momento cu club nan di harley ta haci nan eventonan nan ta aporta na e economia di Aruba unda cu restaurantnan y club nan y barnan ta haya un bida.
Sinembargo e apelacion ta tambe na automobilistanan na momento cu e harley nan ta pasa pa por respeta esaki, un biaha pa aña tin un ride grandi asina aki y ta bunita pa mira. Ta haci un apelacion pa no pone e bida di e ridersnan na peliger, pero gosa di e bunitesa na momento cu nan pasa.
Presidente di Club Camacuri ta gradici tur hende cu a aporta y a participa na e ride di e siman largo di 18 di maart.
