Ta reinando un wega sushi cu mal informacionnan ta coriendo rond, Presidente di Arubaanse Voetbal Bond (AVB) enbes di laga e votacion bay den un trankilidad y cada bestuur haci nan trabao y defende nan trabao di 2 aña largo, E presidente di AVB mes ta coriendo campaña fuerte tras di cortina unda cu ta papia malo di tur otro cu a postula nan mes pa un bestuur nobo, pero loke cu mas a hala atencion di EA NEws cu e presidente di AVB ta asina arogante y baho unda cu ta papia malo di un dama profesional cu a postula su mes pa un vision nobo pa AVB hunto cu 4 cabayero profesional pa un vision nobo pa AVB, e presidente ta ofendiendo otro pa mustra su mes bon, e parti aki ta papia hopi caba di e mentalidad y pensamento di un presidente di AVB cu na prome instante no mester tin nada di haber cu e votacion di awe nochi pa un bestuur nobo. Kico realmente ta e intencion di e presidente actual?
Kico ta e desesperacion cu tanto accion di papia malo di hende pa gana un eleccion di bestuur cu den prome instante e presidente no tin nada di haber cu ne y mester keda neutral y no para pa ningun banda. Loke ta un realidad, cada miembro di bestuur tin cu traha pa nan mes drenta.
E desesperacion di presidente di AVB ta bisto y clubnan ta rabia, unda cu e propio presidente di AVB Randol Lacle ta yamando clubnan di division abao pa domina nan y manipula nan unda cu practicamente ta roga nan pa nan bin vota awe nochi y vota contra di e grupo di 4 paso segun e presidente di AVB nan no ta capacita y nan no lo por drecha AVB y ta keda busha e bestuur actual cu ta su compinchinan hunto cu ne pa dos aña largo no a haci nada pa AVB y e clubnan te dia di awe.
Un berguensa y tristo con un presidente di AVB cu ta e persona cu mester keda neutral den tur e proceso aki ta papia malo di hende muhe y no un cualkier hende muhe un hoben studia den e ramo deportivo cu capacidad di maneha futbol pa Aruba general. Dicon e desesperacion aki pa yama y manipula e clubnan di division abao ? Clubnan awe nochi ta boso anochi y boso voto por determina pa un cambio si of no.
