Presidente di AVB den pito kier cambia statuto pa bestuurnan no sinta 4 aña pero 2 aña den su totalidad

E informacionnan necesario pa kico no mester acepta pa president di AVB Randolf Lacle cambia e añanan cu e miembronan cu keda eligi awenochi mester sinta. Esaki den e forma cu e kier haci esaki no ta corecto y sigur no legal y contra reglamento.
No por cambia regla di wega durante wega mirando cu e proceso pa eleccion a inicia 4 siman pasa caba na momento cu a invita e clubnan pa e reunion general aki. no por cambia regla di wega durante wega.

E puntonan pa kico no mester acepta e agendapunt no 4, caminda cu ta eligi 3 miembro pa 4 aña y 1 miembro pa 1 aña mester tene bon cuenta cu ne.
Punto 1.

Na prome logra, bo no por dies paso bo kier haci un cambio y pone esaki ariba agenda sin ningun informacion adicional di e intencion di e cambio pa asina e clubnan presente na e reunion general tuma un decision. No por tuma un decision sin tin e informacionnan y no lubida, un bestuur di un club serio mester por reuni den su seno ariba e punto aki pa asina esunnan cu bin e reunion cu e mandato di e bestuur.

Con Club presente na e reunion di awenochi por tuma un decision sin e mandato di nan bestuur of nan miembronan. Pues esaki ta un motibo valido pa no acepta e proposicion pa cambia e añanan cu un miembro di bestuur mester sinta, cu ta 4 aña.

Punto 2.
Debi cu e punto di agenda aki ta un cambio den bo reglamento (HHR) esaki mester encamina un procedura conforme nos reglamentonan (HHR).

Den articulo 13, lid 1 di nos HHR tin beschreven:

“De leden van het bestuur hebben een zittingstermijn van vier (4) achtereenvolgende jaren. Na een termijn van twee jaren treedt op de 1ste algemene ledenvergadering de helft van het aantal bestuursleden naar beneden afgerond af, na wederom een termijn twee jaren, die bestuursleden die vier achtereenvolgende jaren zitting hebben gehad.”
“E miembronan di bestuur tin un zittingstermijn di 4 aña consecutivo. Después de un mandato di dos aña, e mitar di e cantidad di miembronan di bestuur, (naar beneden afgerond, cual ta 3), ta retira den e prome reunión general. Después di e siguiente período di dos aña, e otro 4 miembronan di bestuur cu ya a sirbi durante 4 aña consecutivo. Esaki ta e caso na e momentonan aki y no tin ningun motibo pa cambia esaki mirando cu e secuencia aki a bin ta tuma lugar pa añanan caba.

Den e caso di e eleccion di awenochi, tin 4 miembro cu a cumpli 4 aña como miembro di bestuur y mester tuma nan retiro y nombra 4 miembro nobo.

E tres nan cu a keda lo mester baha aki 2 aña pa asina eligi 3 miembro nobo. Esaki ta conforme articulo 13, lid 1 di nos HHR. Pues no tin motibo pa cambia e sistema aki pasobra ta cumpli cu reglamento. E palabra naar beneden afgerond ta esencial den e asunto aki y si kier cambia e reglamento, mester encamina un otro procedura y no manera cu kier haci’e awenochi.

Aki ta mustra e otro cara di e presidente di AVB cu desesperacion ta tumando luga, den pito di votacion di eleccion kier cambia statuto vap vap ilegalmente.