Presidente di Arubaanse Voetbal Bond (AVB) Randolf Lacle den un entrevista cu EA News ta duna di conoce cu tin diferente cambionan cu a tuma luga entre nan a percura pa cambia e sistema di campeonato manera ya caba a anuncia y e resultadonan tabata positivo.
Tin algun protestanan cu tin, pero esey ta derecho cu un club tin pa protesta, pero 90% di e casonan e decision inicial no tabata esun corecto y asina ta keda protest riba protest pero presidente di AVB ta kere cu si mayoria di e decisionnan cu ta tuma a resulta incorecto por bisa cu tin un faya den e sistema, pero di e decision inicial den e caso di protesta 90% ta resulta corecto apesar di apela ta indica cu e mecanismo ta funciona y e proceso ta cana su luga y e hende nan ta haya nan derecho y nan ta apela y na momento cu e decision cay mester sigui. AVB mester por respeta e proceso debi cu no por dies tuma un decision.
Riba loke ta trata e parti di e maneho ta un situacion cu a tuma mas tempo di locual a premira, tabatin e discusion pa keda cla cu un stadion pa weganan internacional, pero esaki no ta completamente den man di AVB debi cu na prome instante a purba wak hunto cu gobierno wak si por haci algo na stadion Guillermo prospero Trinidad, e parti aki a cuminsa nobo nobo na momento cu a bira presidente di AVB, na momento cu esey a pasa gobierno tabata den transaccion unda cu a bin un otro gabinete y tabatin cambio di minister y e periodo a bira hopi chikito pa por a sigui cu e pensamento nan.
Asina tambe mesora a bay over pa mira kico ta e posibilidad nan cu por yega cu FFD pa stadion Frans Figaroa por bira un veld di FIFA. Den e parti aki tabatin hopi reunionnan y proposicionnan pero e negociacion no tabata bay bon debi cu ta sinti locual cu nan kier cu AVB ta un poco iresponsabel.
Na e mes un momento a hiba combersacionnan cu FIFA tambe y a mustra locual cu ta e proposicion pa por haya e uzo di e stadion pa tanto aña y e no tabata un proposicion aceptabel pa AVB . E discusionnan a keda pa basta rato pero te cu aña pasa minister di deporte Endy Croes a tuma e decision y a anuncia cu gobierno mes ta bay inverti den stadion guillermo Trinidad na Dakota, esaki a pone cu e fondonan di LandAruba y ta pone cu AVB no ta envolvi den e construccion di stadion, pero si a pidi informacion riba e dos criterionan cu un stadion ta exigi pa por tin weganan internacional na Aruba.
Na momento cu a haya informacion di e companianan y di e luz nan cu ta bin ta bay cuadra cu e exigencianan di FIFA , AVB a informa Concacaf y a sinta cu FIFA tambe y nan a aproba, pero awo ta wardando e stadion keda cla. Segun presidente di AVB si tur cos ta bon ya caba e turf nan lo mester ta na su luga y na mes momento ya caba a haya confirmacion di Concacaf basa riba e combersacionnan cu tabatin cu personanan di Concacaf, FIFA y tambe gobierno y e contratista tur hende a keda satisfecho con e trabaonan ta andando y na mes momento nan a duna ok pa Aruba hunga na cas 14 di october venidero.
Segun presidente di AVB e condicion ey di hunga na cas ta hopi importante debi cu esey ta un di e condicionnan cu FIFA tin pa nan release fondonan cu tin pa proyecto. FIFA ta traha dos manera uno ta pone fondo pa e gastonan operacional, y uno ta den un siglo ta ricibi 2 miyon cu ta pa cada siglo di 4 aña segun e mundial nan ta cana.
Aruba desde aña 2018 a keur af e stadion y AVB no por a haci uzo di e fondonan ey mas cu tabata reserva , un suma di 3.4 miyon dollar cu a keda eynan. Mirando cu ya caba riba e rooster ta poni cu Aruba ta bay hunga na cas esey a pone cu ta habri oportunidad cu e fondonan ta bira disponibel pa AVB y asina AVB por inverti den proyectonan. Asina presidente di AVB ta termina bisando.
Click aki bao like y share
1 comment
[…] Source link […]