Leynan di trafico no ta actualisa y nan no ta na ordo, tin hopi fayo den e leynan cu mester wordo adresa cu ta leynan nobo cu mester bin. Segun President di VerenigingRijscholen Aruba (VRA) Thomas Ruiz Aruba su leynan di trafico no ta prepara pa vehiculonan core sin un chauffeur manera TESA por ehempel. Tin diferente puntonan cu President di VerenigingRijscholen Aruba ta pre mira y ta duna conseho abase di esaki, pero tambe ta trata di trece solucion tambe.
No ta trata di critica so, pero ta trata di trece solucionnan y a sinta cu sindicato di Curaçao y a ripara como rijschool y rijinstructeur no ta regula den ley mane Hulanda.
Hulanda tin geregistreerderijschool y personanan cu ta registra y clasifica pa duna les unda cu ta garantisa e derecho di e consumidor. Awendia cualkier persona por dies duna les na Aruba. Pa loke ta trata e infrastructura e caminda ta mal traha, mal pinta y hasta borchinan mal poni. Un persona ta cuminsa haya informacion di trafico for di 5 de klas basisschool. Na momento cu a bay haci investigacion e docentenan cu ta duna e les no tin un preparacion y no tin ningun persona pa prepara nan pa duna nan les. Por laga pasa esunnan cu tin rijbewijs y cu mester por sa di reglanan di trafico, pero tambe tin docentenan cu no tin rijbewijs. Tambe tin informacion cu tin scolnan cu no tin e bukinan necesario pa duna les, ta trata di yuda e scolnan pero no ta tur por yuda.
President di VerenigingRijscholen Aruba (VRA) ta lamenta cu esunnan cu por duna un man na e situacion aki no kier mira ni tende. E idea ta pa a traha hunto cu e stakeholdernan, pero esaki no ta canando manera mester ta.
Den luna di Mei a manda un carta pa minister Rocco Tjon unda cu a haci peticion pa reuni urgente conhuntamente cu minister Ursell Arends hunto cu departamento di transporte publico y DTI pa asina combersa riba e problematica di trailernan cu tin riba caminda y e mashinnan electronico y hopi otro puntonan cu ta bin ta descubriendo cu ta poniendo trafico na peliger. President di VerenigingRijscholen Aruba (VRA) Thomas Ruiz ta kere cu nos mester preveni cu lamenta despues.
Lastimamente no ta hayando oido di ningun di e dos minister nan concerni y no ta haya contesta tampoco, hasta a purba haya contesta cerca Alto comisario Ramon Arnhem unda cu a manda dos biaha un recordatorio pa sinta na mesa pa combersa riba zaakpresentage cu ta 29% cu ta hopi abao. Esaki ta ilustra cu algo ta canando malo y mester sinta na mesa pa asina drecha e situacion aki.
Loke ta un realidad ta cu e rijscholennan no kier dies produci personanan cu rijbewijs cu ta dies prepara nan pa nan slaag y pa nan saca un rijbewijs, pero kier prepara tur e personanan pa subi caretera y cu ta bira un chauffeur y no dies un persona cu tin un rijbewijs.
Tur persona cu tin un rijbewijs mester ta consciente di nos leynan vigente y cu mester por core responsabel riba e careteranan di Aruba. Segun President di VerenigingRijscholen Aruba (VRA) Thomas Ruiz ta hopi tristo cu no ta hayando oido.
Click aki bao like y share
