President di VerenigingRijscholen Aruba (VRA) Thomas Ruiz: Departamento di examen no mester wordo maneha door di KPA mas

E accidentenan cu ta tras di lomba y cu a shock comunidad ta e accidente di trailer pero danki DIOS cu e no a ocasiona daño personal cu hende a fayece, pero si nos mester imagina nos mes na unda cu e accidente a sosode cu ta den un area turistico pero tambe tabatin un childseat cu si tabatin un mucha sinta den dje e situacion awe ta diferente. Mirando e sitio cu e accidente a keda haci e por tabata un turista tambe cu e accidente aki por a yega na dje y asina lo mishi cu e pilar economico di Aruba.

Segun President di VerenigingRijscholen Aruba (VRA) Thomas Ruiz tambe tabatin diferente accidente cu morto a tuma luga ultimamente, tur esakinan ta di preocupa. E homber Ruiz cu a fayece den havenstraat tabata uno cu sigur a hala atencion mirando cu den havenstraat no ta un caminda cu mester pusta y tampoco core duro. Den un Bebouwde kom e maximo cu por core ta 50. E parti aki ta demostra con e chauffeurnan actual ta comportando nan mes den trafico. E por ta hopi factor cu ta falta di conocemento di trafico y experiencia ect ect y cada experiencia ta un di mas.

Tambe tabatin accidentenan cu ta tuma luga di e step electronico cu turista a cay cu ne. Sinembargo VerenigingRijscholen Aruba (VRA) tur e puntonan aki ya caba a alerta for di basta tempo caba. A cuminsa cu e reforma di rijbewijs pero e no a keda eynan so debi cu segun cu ta traha cu e comision cu otro stakeholdernan ta ripara cu e problema ta mas grandi di locual a pre mira.

No ta un secreto cu e departamento di examen no mester wordo maneha door di KPA, Aruba ta e unico na mundo cu ta haci esaki. Departamento di rijbewijs mester ta un identidad riba su mes y esey actualmente VerenigingRijscholen Aruba (VRA) ta trahando riba dje pa independisa e departamento. KPA na e momentonan aki tin e telefonista di mas carocu tin na Aruba, paso un polis cu ta un brigadiers eerste klasse ta tuma e telefoon cu un salario cu eingelijk no ta su trabao. Banda di tur esaki KPA ta te kort na polis y tin polisnan cu ta traha pero cu nan no ta eherciendo nan trabao cu nan a studia pe. Sinembargo ta agradecido na nan cu nan ta haci nan esfuerso pa e departamento di examen por drey manera mester ta , pero e berdad ta cu e trabao di telefonista no ta e trabao cu e polis a studia pe.

Click aki bao like y share