E medidanan pa kombatí e vírùs di corona tin konsekuensia tambe pa terminashon di e Plan Maestro Boneiru 2030 (Masterplan Bonaire 2030). Pa motibu ku no por a tene algun seshon konforme planifikashon, no ta posibel pa presentá e vershon final di e Plan Maestro riba e fecha aspirá di 10 di òktober 2020.
“ Naturalmente nos ta lamentá ku nos mester a disidí pa posponé e presentashon. Nos mes i hopi otro huntu ku nos tabata anhelá esaki. Pero naturalmente salú di e partisipantenan i di henter nos komunidat ta na promé lugá. Pero improvisando, ku gradisimentu pa fleksibilidat di tur hende, nos a logra tene e retraso limitá si”, segun tim di e Plan Maestro.
Djaweps e último seshonnan ta tuma lugá, despues di kua por skirbi e último partinan di e vershon definitivo di e Plan Maestro. ‘Nos tin un fecha nobo pa e lansamentu: 6 di novèmber, eksaktamente un aña despues di e konferensia di kickoff ku tur kos a kuminsá kuné. Awor aki e tim ta ‘brainstorm’ kon nos por ofresé e Plan Maestro na komunidat di Boneiru, teniendo kuenta ku tur instrukshon di corona, na un manera seif pero kreativo si.’
Mas ku 700 boneriano i mas òf ménos 404 empresa i organisashon durante un di e 16 enkuentronan, tantu físikamente komo via internèt, a aportá ku nan ideanan tokante kon den nan bista e Boneiru ideal mester lusi na aña 2030. Ku esaki e Plan Maestro ta duna direkshon na kon pa diseñá Boneiru su futuro.
