Den conferencia di prensa Luis Oduber President Rotary Club of Aruba ta elabora riba nan fiesta Rotaria cu ta tuma luga diadomingo awo. Esaki ta un fiesta cu ta keda organisa tur aña y ta spera cu comunidad di Aruba bin celebra cu Rotary Club of Aruba cu nan fiesta Rotaria, Presidente di e club ta elabora un poco mas di e historia di fiesta Rotaria cu a cuminsa hopi aña atras.
Fiesta Rotaria ta un actividad di Rotary Club of Aruba cu a cuminsa hopi mas chikito na aña 1960 cu un fiesta chikito na sociedad Bolivariana unda cu bishitantenan a bin pa scucha musica unda cu tabatin algun cos di come y premio, pero e tempo ey tabata paga pa entrada. Segun President Rotary Club of Aruba Luis Oduber cu tempo e evento a bira mas grandi unda cu na 1081 Rotarie Club a dicidi di reinventa e wiel y e la bira un vlooiemark na Wilhelmina park. E parti aki tambe a crece hopi y te dia di awe por bisa cu e actividad ta keda organisa y den e ultimo añanan e actividad ta tuma luga na Guillermo Prospero Trinidad.
E prome fiesta di Rotary Club of Aruba na 1981 a produci un ganashi netto 2194.41 florin, awendia tur e esfuersonan cu ta keda haci ta gana un poco mas y e meta ta pa yega na 300 mil florin netto. Fiesta Rotaria ta e evento di mas grandi di Rotary Club of Aruba cu ta produci e entrada mas grandi pa e club. E entrada ta keda uza pa paga e debenan cu tin , pero mas tanto e placa ta bay pa instancianan den comunidad cu tin necesidad. Lo ta bay tin diferente tentnan cu por cumpra articulonan cu por cumpra na prijsnan hopi barata. Casi na final lo saca e ganadonan di e rifa. Ainda tin ticket na balor di 25 florin y e ta disponibel na cualkier miembro di Rotary Club of Aruba.
For di 9 or di mainta te cu 6 or di atardi diadomingo awo 14 di April e Friesta Rotaria lo tuma luga na Guillermo Prospera Trinidad riba e parkinglot. Tur hende ta bon bini.
