Palacio di Buckingham a saca un comunicado di prensa unda cu nan ta anuncia cu Reina Isabel II ta bao di supervicion medico. Esaki a keda recomenda door di su equipo medico cu ta preocupa pa su salud di e Monarca despues di a haci un examen medico diahuebs ultimo.
E noticia a keda confirma riba e pagina web di Palacio de Buckingham. Despues di un evaluacion adicional den oranan di mainta, e dokternan di e Reina ta preocupa pa su salud di su Majestad y nan a recomenda pa e keda bao di supervicion medico. Actualmente Reina di Inglatera Isabel II ta kedando na su palacio na Balmora unda cu e ta confortabel y ta recuperando poco poco. Den e caso aki e famia real a keda informa y e principe Carlos y su casa Camila tambe a muda pa Balmoral unda cu tambe ta biahando, principe Guillermo hunto cu e resto di yiunan di e Reina tambe ta na caminda pa e palacio
E duque nan di Sussex Meghan y Harry tambe a sali for di Escocia pa reuni cu e resto di famia na e palacio di Balmoral. Henter e Pais ta preocupa riba e noticia cu Palacio Buckingham a saca den medio. Tambe Reino Uni a uni su mes unda cu prome minister di Reino Uni a expresa riba su cuenta di Twitter cunan ta preocupa tambe.
Sinembargo diamars ultimo Reina di Inglatera a acepta e dimision di Boris Johnson y a encarga pa formacion di un gobierno na e prome minister nobo Liz Truss , unda cu a recibie na e palacio di Buckingham. Sinembargo diamars ultimo Reina Isabel II a cancela su encuentro virtual cu su consehero priva door di recomendacion di su dokternan y pa e tuma un descanso.