Aruba na prome luga mester reconoce tur loke a bay robes durante e ultimo 40 añanan, asina lider di Partido PPA a indica. Na momento cu Aruba reconoce esaki y bisa cu a faya como politiconan y tin e grandesa pa por bisa, e ora por enfrenta Hulanda y splica Hulanda cu nos autonomia pa Aruba no ta un lucha di un partido pero e ta un lucha di un pueblo. Di e manera aki por mustra Hulanda cu echos cu plan nan cu Aruba por maneha su propio finansas, Aruba por maneha su propio PAIS, pero mester cuminsa di reconoce e erornan di pasado.
Tur e questionnan pa cu e institutonan cu ta wordo crea ta bunita, pero e ta un question di mentalidad, consenshi di e politico, di e comunidad pa dirigi y mantene su politiconan recto y percura na tur momento pa e respet entre Hulanda cu Aruba ta keda existi abase di e programa cu ta pone padilanti. Lider di partido PPA ta kere firmemente cu ta cuminsa cu e eleccion aki pa cumpli cu loke ta bisa den e plan di partido y no promesanan bashi.
Politiconan mester stop cu promesanan falso , pero nos mester analisa y compronde cu e politica na Aruba a faya durante di 40 aña y lider di PPA ta indica cu su mes tabata parti di dje , pero a sinaj di dje y percura pa den futuro e wordo cambia. Contrario na e ponencia cu lider di MAS ta boga pa un Rijkswet , lider di partido PPA ta kere cu Aruba mester para pa e derecho cu nos tin cu nos grandi nan a bringa pe.