Partido PPA ta haci un compromiso cu pueblo di Aruba caminda cu e enfoke ta cu nos Aruba 2025-2050, esaki no ta un plan di 4 aña pero un plan di largo plazo , cu ta in strategia cu ta hiba nos den e proximo decada pa haci Aruba uno fuerte. E plan di PPA ta pa crea un Aruba sostenibel, un economia moderno y cu un consciencia social cu ta beneficia un y tur cu ta biba riba e pida baranca aki sin excepcion y sin mira di unda bo ta bin pero cu bo ta contribui na e pais aki y ta forma parti di e comunidad aki.
Otmar Oduber mes tin un trayectonan largo den politica unda cu a lidera diferente proyectonan cu a mehora bida di hopi hende aki na Aruba y awor kier logra un vision integral pa e futuro generacion nos dilanti. Partido PPA a presenta na comunidad di Aruba e tres enfasis nan pa hiba Aruba.
Componente economico , mester verifica nos economia, Aruba mester ta un Pais actractivo no solamente pa e turista pero pa e inversionistanan y pa nos mes un hende nan ta contento cu nos turismo. Aruba no por depende unicamente di e turismo , mester habri mercadonan nobo y ofrece comerciantenan local e herment nan pa nan por crece y crea oportunidad pa nos hobennan.
Puntonan clave ta e reforma fiscal y e sistema fiscal cu tin na Aruba. Lider di partido PPA ta indica cu PPA lo elimina e BBO cu ta castigando pueblo y bin cu un sistema mas husto di BTW caminda cu e hende tin mas placa den su saco.
Tambe partido PPA ta kere cu mester tin apoyo na comercio unda cu mester sigura un generacion di futuro cu tin acceso na recursonan bancario y tecnologia nan necesario pa renoba y innova. Trece turismo di calidad , e fundamento pa tene un turismo di nivel halto y no cantidad mas, pero tambe pa sectornan rond di dje keda desaroya.
Pa loke ta trata e componente social , compromiso pa cu bienestar social di partido PPA ta cu e Arubiano nan mester ta un prioridad. Lo mehora e calidad di bida di nos tur di esunnan hoben te esunnan adulto den nos comunidad.
E situacion di nos pensionadonan ta preocupante, e ineficiencia den e sistema di salud y e falta di inversion den Aruba mester wordo atendi. PPA ta para pa un reforma den salud , un sistema di salud eficiente ta esencial pa e bienestar di nos tur .
Un educacion di calidad ta necesario , mester inverti den educacion unda cu ta percura den un calidad moderno nos por prepara nos hobennan y no percura pa solamente nos hobennan ta central , pero nos kier pa e maestronan ta central paso nan ta esun cu ta guia nos yiunan y na unda cu mayornan ta central den cada formacion di nan yiu. Mester brinda atencion na e sectornan mas vunerabel na Aruba cu ta nos grandi nan , nos muchanan pero tambe salud mental di nos hende nan mester haya un espacio hopi importante.
E componente sostenibel proteccion di nos medio ambiente , Aruba ta conoci pa su maraviya nan natural y nan mester wordo protegi. Cambionan climatico ta un menasa real. E plan di PPA di 25 aña y no 4 aña ta pa implica maneho ambiental como un punto cla y raspa. Otmar Oduber den gobierno a demostra caba di a percura pa bin cu 7 ley pa proteha nos medio ambiente y nos naturalesa y esey ta bay ta e prioridad den e proximo gobierno tambe.
Segun lider di PPA Otmar Oduber nos mester balansa e crecemento turistico cu preservacion di nos naturalesa y cu e mester bay cana man den man cu otro. Loke cu partido PPA a presenta no ta solamente un plan, e ta un vision pa futuro. Den pasado ya caba e lidera iniciativanan similar y ta compromete pa sigui haci esaki den futuro. E plan di PPA no ta trata solamente di promesanan pero di accionnan concreto. Aruba tin un potencial grandi y hunto por construi e futuro aki cu tanto nos tur ta desea. Awor a yega e momento pa traha hunto pa transforma nos realidad. Biba PPA , biba Aruba.
