Na edificio di John F Kennedy School a tuma luga relounge un memorandum of understanding (MOU) nobo y den un otro forma cu e colaboracion cu Education USA . Minister di enseñansa Endy Croes ta duna di conoce cu desde 2020 caba e MOU a keda firma pero nunca e no a wordo lansa debi cu e MOU a keda firma y despues a presenta e COVID.
E MOU aki a keda firma hunto cu e consul general di Merca staciona na Curaçao , pero ta contribui cu Aruba pa asina duna Aruba acceso pa asina Aruba habri un Education USA center na Aruba pa asina duna conseho. E oficina lo ta den edificio na unda cu John F kennedy school tabata y lo ta bay tin un persona cu conoce e sistema Americano y lo duna guia na e studiantenan cu lo kier bay studia na Merca y cu lo motiva tur studiante cu informacionnan corecto pa asina scoge un estudio na Merca.
Segun Minister di enseñansa Endy Croes atrabes di e consul ta haciendo diferente otro trabaonan via di cu contactonan pa asina como pais Aruba por firma acuerdonan cu scolnan sea ta college of Universidadnan na Merca. Tipo di acuerdo nan asina ta duna e posibilidad cu e studiante lo no paga e internacional tuition, pero lo bay paga e local tuition.
Nos tur sa cu un scol na Merca ta caro y ta pa e motibo aki mes cu e MOU firma kier haci pagabel pa e studiantenan di Aruba . Un studiante cu ta bay studia na Merca lo por paga 20 dollar pa aña, esey ainda ta sin cas y sin cu por come ect ect, esaki ta e prijsnan normal.
Sinembargo unabes cu Aruba tin un MOU cu e scol firma y e studiante ta wordo reconoci pa un local tuition enbes di un internacional tuition e prijs di e scol ta baha casi cu 60% unda cu e studiante ta haya un scol e ora ey pa mas of menos 6 mil pa 7 mil dollar pa aña y banda di esey tin un Aruba lening unda cu e placa lo por yuda y e por yega pa e studiante por biba y studia na Merca.
Segun Minister di enseñansa Endy Croes un scol di 20 mil pa 30 mil dollar cu ta e prijsnan standard na Merca ni e Aruba lening ta yega, asina e studiante ta crea un debe y na final di dia ta poco mayor por paga un scol asina pa nan. Awor cu e deal nan aki ta habri e avenida y portanan nobo pa e studiantenan.
Sinembargo den tur e proceso aki loke ta hopi importante ta cu e muchanan cu ta bay Hulanda unda cu ta mustra cu ta hopi mas barata debi cu nan tin famia ect ect , hopi biaha nos sa tambe cu e porcentahe di hobennan cu ta bin bek Aruba ta hopi tiki.
E studiantenan cu ta bay studia na Merca na momento cu nan caba cu nan estudio pa e motibo di nan VISA nan mester bin bek Aruba, nan no lo por keda facil Merca, esaki ta pone cu Aruba lo haya su studiantenan bek pa bin traha pa nan pais Aruba.
