Seccion Cultura, Arte y Literatura (SKAL) di entidad publico Boneiro a habri posibilidad pa organisacion cu ta interesa, pa entrega nan peticion y/of proposicion pa organisa Carnaval 2024 y actividadnan cu tin di haber cu esaki. Recientemente organisacion Clave a duna di conoce cu nan no ta disponibel mas pa organisa
actividadnan relaciona cu carnaval na Boneiro. Persona-, organisacion-, of comisionnan cu ta interesa pa organisa Carnaval 2024 por manda nan peticion pa SKAL. Esaki por despues cu nan a registra esaki na departamento di Post y Archivo na Kaya Grandi. Por entrega e peticion pa mas tarda 30 di september 2023.
Ora nos papia di actividadnan di Carnaval, nos ta referi na apertura di Carnaval te cu kimamento di Rey Momo. Pues ta trata tambe di eleccion-, festivalnan di
Tumba, paradanan, Jump up y Jump in. Despues cu inscripcion cera, SKAL lo bay den combersacion cu representante di tur e gruponan cu a manda peticion aden. Ora cu esaki a tuma luga, entidad publico Boneiro ta haci un escoho ta cua grupo(nan) ta haña encargo pa organisa Carnaval di Boneiro otro aña.
Ta existi e posibilidad cu cuminsando cu Carnaval 2024, lo por bay traha cu mas cu un organisacion. Mirando e embergadura di Carnaval na Boneiro, lo ta bon pa gruponan cu entrega un peticion na SKAL, presenta tambe un plan di mas aña.
Ta importante pa tene cuenta cu e periodo den cua inscripcion ta cera mirando e tempo disponibel pa preparacionnan tuma luga. Pa mas informacion por tuma contacto cu SKAL na telefon +599-715 5323 cerca sra. Rina Saragoza. Despues di 30 di september 2023 lo no atende peticionnan ku drenta. SKAL ta conta cu sosten y cooperacion di un y tur cu ke duna nan aporte pa engrandece Boneiro su carnaval.
1 comment
[…] Source link […]