Despues di un evaluacion basta largo Otmar Oduber a dicidi di drenta politica bek, despues di 4 aña cu a biba afo di politica y ta den comercio y a sinti y mira kico sector priva ta biba den dje na e momentonan aki ta e granito cu a pone cu a tuma e decision pa reintegra despues cu tabata practicamente 27 aña den e arena politico unda cu tabatin casi 22 aña activo haciendo politica y prome cu esey unda cu tabata consehero den diferente gobierno.
E motivacion di mas grandi na e momentonan aki cu nos tin den nos comunidad unda cu ta mira cu den e sector priva y e comerciantenan cu ta dunado di trabao, pero tambe esunnan cu ta empleado, nos pensionadonan bo por mira cu na e momentonan aki ta dificil pa sobrevivi pa loke ta trata e situacion economico di pais Aruba.
Segun Otmar Oduber nos tur sa cu mundialmente nos no mester bay tira e culpa tampoco na ningun gobierno, pero e realidad ta como gobierno mester prepara su mes pa no solamente mester keda aumenta e gasto di haci negoshi na Aruba of e costo di biba na Aruba pisa riba e comunidad.
Segun Otmar Oduber na cierto momento como politico ta sinti cu e gobernantenan ta bay hopi tras di e echonan, hopi biaha unda cu kier aumenta entrada y e medidanan cu ta keda introduci y di otro banda papiando cu hopi hende den nos comunidad ta yega e momento cu gobierno mester para un rato keto y haci un analisis mas profundo y interno den gobierno con por crea eficiencia y con por crea productividad pa e pueblo Arubano, pa asina gobierno por baha su gastonan interno den gobierno.
Loke cu ta un realidad cu den pasado minister Otmar Oduber tabata exitoso den e parti aki unda cu den diferente gobierno nan tabatin e honor asumi responsabilidad como minister y e ehempel nan ta bibo y por wak un ATA, ANSA unda cu tambe a laga dos ley atras cu por laga departamentonan cu por wordo privatisa, independisa pero e realidad ta tambe cu e no a wordo haci.
Loke ta un realidad ta cu gobierno tin hopi departamento cu mester haci un evaluacion, si gobierno kier continua cu e departamentonan den e forma cu nan ta na e momentonan aki si of no, mester por tin un ehercicio cu mester wordo haci.
Segun Otmar Oduber lamentablemente no ta mira ningun hende no ta papia di e situacionnan aki . No ta papia cu gremionan, ni politiconan activo pero simplemente cu cada biaha tin un medida y e ciudadano ta bringa contra di e medidanan aki, tog ta mira cu e medidanan ta pasa y na final di dia ta pueblo ta page. Comerciante ta pase bek pa e comunidad y asina e next ronde ta aumenta cualkier medida atrobe y ta bolbe keda discuti na e mes un forma mientras cu e aña nan ta pasa y no ta atende e bahamento di gasto di gobierno.
Otmar Oduber ta kere cu ta un tarea profundo mester tuma luga unda cu mester percura pa tuma algun decision cu por ta no ta popular den corto tempo, pero a largo plaso esey ta bay bira e mecanismo pa nos por crea e oportunidad pa Aruba por paga su debenan cu a keda crea door di tur gobierno na e momentonan aki den un forma creativo.
Otmar Oduber ta kere cu mester ta mas creativo con pa por trece solucionnan pa baha e peso for di comunidad di Aruba. Na e mes un manera cu a atende cu ATA, ANSA y e leynan cu a keda atras na directieluchtvaart cu cierto momento por crea nan mes un entradanan unda cu gobierno por bira hopi mas eficiente y lo baha e cantidad di empleadonan publico ta importante, sinembargo esaki na mes momento no ta significa cu ta kita ningun empleadonan publico, pero nan ta drenta den un sistema manera e departamentonan cu ya caba a pasa e proceso aki y cu ta funcionando perfectamente unda cu hasta ta duna gobierno placa den e caso aki.
Asina cu esaki wordo implementa den diferente departamentonan di gobierno esaki lo pone cu gobierno lo spaar hopi mas paso e departamentonan tin nan propio entrada y na mes momento nan mes ta percura pa nan propio bienestar abase di e eficiencia cu mester tin den cualkier instancia cu ta existi.
1 comment
[…] Source link […]