Hopi ta loke cu mester keda poni recht den politica, te ainda no por sinta den cabes y of sistema cu un politico cu ta un minister di e gobierno cu ta sinta actualmente tin e intencion di entama un caso contra su mes un gobierno pa perhudica un inversionista cu a haya tur permiso , den e caso aki ta Embassy Suits cu a cana tur su caminda corectamente unda cu a inverti mas di 240 miyon florin unda cu tin mas di 400 hende ta traha na e momentonan aki.
Sinembargo pa simplemente un capricho di un minister y a dicidi cu e ta lanta un caso contra di su mes un prome minister y despues trek in e caso, pero ora e NGO a gana su caso e mandatario di e propio gobierno a bay celebra riba e tereno manera ta un gran logro y un triunfo cu su persona como un mandatario a perhudica un hotel cu a cana tur su camindanan legal cu su permisonan, pero simplemente pa por mustra e poder di determina y stroba pa ehecuta un proyecto e minister cu ningun tipo di experiencia politico a saca su arogancia y mustra e poder cu e tin cu pueblo di Aruba a dune y cu e la haya un lift door di e propio partido cu e ta sinta cu ne, unda cu e la mustra e poder cu e tin ta bin pone un ponencia y stroba procesonan di desaroyo keda ehecuta, segun politico Otmar Otmar Oduber.
Na momento cu un minister lanta un caso contra di su propio gobierno y su propio prome minister, e gobierno su legitimidad a cay. E mandatario cu a haci e keho aki por bisa cu e la daña e sfeer den gobierno y cu e ambiente lo no keda mescos nunca mas. Segun Politico Otmar Oduber na momento cu un politico cu ta kere cu e ta coy un posicion na momento cu e ta kere paso e tin e poder ta bay para na un proyecto cu ta genera miyones di inversion y ta crea un cantidad di trabao pa un cantidad grandi di Arubiano , pone tur e hende nan aki den risico dies pa bo por bati na bo pecho como un minister y bisa cu bo a para un proyecto, den e caso aki para un expansion cu tabatin tur e permisonan pa tuma luga, pero pa simplemente pa un detaye den ley cu mester a wordo cumpli cu ne , ta para y mustra cu ta ami ta manda como minister Ursell Arends y ta ami ta minister di naturalesa.
Segun Otmar Oduber si berdaderamente minister Ursell Arends tabata un bon minister di naturalesa , cu ta stima naturalesa y cu a traha duro pa naturalesa y medio ambiente por compronde cu ta tuma e posicion cu a ser tuma. Minister Ursell Arenda pa hopi aña ta minister di naturalesa, pero realmente kico e mandatario a haci realmente pa naturalesa di Aruba?
Ta dos aña minister Ursell Arends ta minister di medio ambiente, pero no ta mira nada cu a ser haci pa proteccion di medio ambiente na Aruba. Segun Politico Otmar Oduber su persona na momento cu tabata minister di medio ambiente y e gobierno cu a forma parti di dje a percura pa un marin park, areanan protegi den ley, a percura pa un aanlegvergunning pa cuida diferente terenonan, tambe a percura pa tin un ley cu ta prohibi awo , despues di discusionnan grandi pa mas hotel no wordo construi unda cu a pone un moratorio cu a keda poni for di final di 2018 unda cu awe minister Ursell Arends por papia di un ontheffing cu mester wordo pidi . Ex minister di medio ambiente Otmar Oduber ta duna di conoce cu ta su persona a percura pa e ley ta existi unda cu awe lo mester tin un aanlegvergunning cu ta exigi un ontheffing di e minister cu ta encarga cu naturalesa.
