Un politico cu no tin su propio pensamento y ta keda maneha pa su ex lider no por para fuerte pa tuma decisionnan esencial pa Boneiro cu Hulanda.Na momento cu a entrega lista di Passangran Elvis Tijn Asjoe no tabatin e confiansa den Hennyson Thielman pa pone como lider politico y asina Tijn Asjoe a keda como lider keriendo cu por sigui manipula pueblo di Boneiro.
Sinembargo den campaña e la haya e mensahe bon cla y esaki a resulta cu un biaha mas el a hala e popchinan cu e ta maneha y un biaha mas hala atras y maneha Hennyson Thielman manera ta custumber di manehe y uze pa hacie lider di partido MPB despues cu a haya e mensahe cla y raspa di comunidad di Boneiro. Esaki ta mustra un biaha mas cu Hennyson Thielman no ta capas di dirigi Boneiro pasobra e ta keda manipula fuertemente door di fundando di MPB na Boneiro.
E pregunta ta keda, esaki ta loke cu Boneiro kier. Boneiro ta den un fase esencial den un punto hopi crucial di cu Boneirianonan mester lanta para pa bonerianonan na Boneiro. Ta bisto cu MPB no a para pa Bonerianonan na Boneiro y no sa ki direccion Boneiro mester bay. Despues di 15 aña ainda no a haci un evaluacion si Boneiro ta bon bao di e decision di 10-10-10 of mester drecha asuntonan pendiente cu e gobierno actual di MPB mester a atende cu Hulanda. Nada no a wordo haci pa Boneiro.
Tur caminda tin ta purba di tuma hende haci chombon manera e dicho ta bisa. Pero hacie di un forma habri asina ta simplemente un desfachates. Y si ta den politico, e hende ey no por tin confiansa di pueblo mas. Pueblo Boneriano ta disgusta y no ta bobo.
Cu asombro a tuma nota cu Hennyson Thielman cu tur su studio di Bedrijf economie cu e la logra na 2010 no a logra para fuerte pa e no keda uza, manipula mane popchi porcelana. Bisto ta cu ex Lider di MPB ta maneha Hennyson Thielman manera ta bon. Sigur sigur cu ta bisto ora e candidato mas hoben di MPB no por cu presion y no por tuma decision y no por para pa su mes awor aki , ban mira si por para pa Boneiro.
Esaki ta causa hopi disgusto bou di e pueblo Boneriano, mirando cu nan kier un politico cu ta para fuerte pa Boneiro.Na momento di nota cu un candidato no ta asina popular bou di pueblo, cambie pa un otro puesto prome cu dia di votacion ta bisa hopi.
Mientrastanto partido UPB lidera pa James Kroon ta fuerte para y decisivo cu nan kier un Boneiro solido cu cada un di e Bonerianonan ta respeta riba nan pais. Tambe partido Demokraat uno sigur hopi critico durante gobernacion den conseho insular y ta un di e partidonan stima pa e pueblo Boneriano tambe cu sigur hunto cu UPB lo haci un cambio pa Boneiro den e eleccion nos dilanti
