Presidente di sindicato Nationale Algemene Politiebond NAPB Curacao Thaïse Lo-A-Njoe ta na Aruba pa asina ta presente den reunion hunto cu sindicato NAPB St. Maarten y sindicato SPA di Aruba. E sindicatonan tin un acuerdo firma entre e sindicatonan di Aruba , Curaçao y St Maarten pa riba desaroyonan sindical pa por sinta y dialoga y na mes momento traha strategia con lo bay atende e puntonan.
Un di e puntonan cu a bin padilanti den e reunion ta accidente di trabou, esaki no ta algo cu ta poni den ley , si un ambtenaar cu ta haci trabounan di riesgo halto y cu por haye den cualkier situacion no tin un ley cu ta proteha e ambtenaar y si tin un maneho cada gobierno cu sinta por cambia e maneho, pero si e ta hancra den ley ta un manera ta cana esaki.
Na momento cu e ta un ley e ambtenaar cu ta haci e trabou di riesgo aki tin e siguridad cu e por ta trankil cu na momento cu e bay un tiramento cu e keda tira y e ta den un rolstoel su futuro ta sigura pero si e perde su bida su famianan tambe nan bida mester ta sigura. Esaki ta e tipo di puntonan cu entre e sindicatonan di Aruba, Corsou y St Maarten a papia riba dje y lo sigui discuti riba dje.
Un otro punto cu tambe a discuti riba mesa ta e parti di pension cu ta te cu 67 aña y kier baha esaki na 60. Aunke cu sa cu e islanan ta den landspakket Hulanda mester compronde cu e islanan aki no ta Hulanda, porehempel Hulanda tin 4 temporada diferente , pero den Caribe ta traha 365 dia den calor y esaki sigur tin un diferencia den dje. Tin un diferencia sigur pa e Aduane nan , esunnan cu ta traha na Prizon, ambulance y polis cu ta na mes un cos cu esunnan di Hulanda.
Tur e gruponan aki lo mester traha te cu nan 67 pero tin momento nos mester para keto un rato debi cu nos no ni sa cu nos lo yega e edad ey mes pa asina por bay gosa di e pension. Segun Presidente di sindicato Nationale Algemene Politiebond NAPB Curacao Thaïse Lo-A-Njoe internacionalmente e ta prueba cu ta 30 aña un hende ta traha y si mester yega na 67 esunnan cu ta drenta dienst cu 17 aña ta significa cu ta 50 aña nan mester labora ?
E tipo di puntonan aki ta trahando riba dje y na mes momento ta mirando e posibilidad pa instancianan externo haci investigacion riba e parti di pension pa asina por confronta gobierno cu e situacion di pension ta inaceptabel. Segun Presidente di sindicato Nationale Algemene Politiebond NAPB Curacao Thaïse Lo-A-Njoe pa Corsou esaki ta inaceptabel cu ta laga un ambtenaar bay traha te cu su 67 aña. Nos mester ta un poco logico si polisnan cu tin 60 aña no por core mas tras di un ladron cu tin 18 aña.
Tur e tres islanan tin e problema aki paso e landspakket ta conta pa tur e tres islanan y na mes momento bo ta ripara cu e maneho riba e cada islanan ta mes un cos y ta keda maneha den pensamento di e tres sindicatonan robes.
Mester corda cu un doño di trabou mester sigura trankilidad y siguridad pa su trahadonan. Polisnan tey pa sirbi y proteha, pero nan mester wordo sirbi y proteha paden tambe, pero tipo di actonan asina aki no ta pasando segun Presidente di sindicato Nationale Algemene Politiebond NAPB Curacao Thaïse Lo-A-Njoe.
Lidernan sindical di Nationaal Algemene Politie Bond (NAPB St. Maarten), Nationale Algemene Politiebond (NAPB Curaçao ) Sindicato di Polis Arubano (SPA) ta kere cu nan merece miho y cu si mester compara e lidernan sindical di antes y di awo, antes nan tabata revolucionario, lidernan cu a fayece, nan a wordo tira, cera pa e causa pa e miembro esey ta cosnan cu mester bin bek segun Presidente di sindicato Nationale Algemene Politiebond NAPB Curaçao Thaïse Lo-A-Njoe.
Lidernan sindical mester para pa nan miembronan y mester lucha y bringa pa e miembronan, pero tambe e miembronan ta e forsa sindical y nan tambe mester yega na momento cu yama nan paso nan ta e forsa di e lider sindical. Na momento cu mester bay un accion cu tin 500 of 600 miembro gobierno tin un problema.
No ta na Aruba so tin scarsedad di polis pero na Curaçao tambe tin un scarsedad grandi, esey ta significa cu esunnan cu tin ta traha mester Sali poco poco di e sistema. Normalmente un hende tin 24 ora den un dia , 8ora pa trabao , 8 ora social y 8 ora pa drumi pero tin polisnan ta traha tur dia 16 ora, esaki ta pa motibo cu tin un scarsedad na personal.
Actualmente tin klasnan cu mester bay drenta pero esaki lo dura tres aña na momento cu e klasnan caba tin un otro grupo cu ta sali y asina e problema ta bay keda.
Actualmente como sindicato na Corsou ta luchando sigur pa haci e opleiding mas cortico den e sentido cu ta traha 70% y ta bay 30% scol. Loke ta pasando na Aruba na Corsou tambe ta un problema. Esaki ta algun di e puntonan cu ta traha riba dje pa mira kico por presenta na gobierno pa bin cu cambio.
