Polisnan di bario di Kuerpo Polisial Hulandes Karibense (KPCN) tambe a partisipá djasabra, 17 di ougùstùs último na e akshon grandi di limpiesa organisá pa komishon di Dia di Boneiru den kolaborashon ku Selibon, na kaminda pa Dia di Boneiru riba 6 di sèptèmber. E tema di Dia di Boneiru pa e aña aki ta ‘Un Boneiru Limpi. Nos deber, nos orguyo’.
E polisnan di bario a kore huntu den un bùs di polis i a yuda habitantenan pa limpia nan bario i e lugánan mas bishitá den e barionan. Por a konkluí ku restunan di shushi, manera bòter di serbes, bòter di plèstik, saku di plèstik, sushi di kas i sushi di kurá, ta un problema persistente ku ta rekerí nos tur su aserkamentu. Ta hopi importante pa huntu nos kontribuí pa hasi nos besindario mas limpi i bunita!
