Tabata den oranan di ayertardi cu gay cora a canta den Paradijswijk. Polis, bombero y ambulance a wordo dirigi cu maximo urgencia pa un cas na candela. Polis na nan yegada ta topa cu un famia kibra, den susto y tristo mirando con nan cas ta kimando. Tabata un rato despues cu bombero a domina e candela y por a mira despues con e daño di e candela a afecta un camber completo y parti di e cas.
Un susto y momentonan di panico cu e famia aki a pasa aden sigur a laga un marca grandi atras.
Pero awe diasabra Polis di bario di Oranjestad a mira e necesidad y ta sinti cu nan a wordo yama di curason pa duna un man y yuda e famia cu a wordo afecta.
A pone man na obra y mesora a logra haya un baki pa hinca tur e sushinan aden, a yama coleganan pa duna un man y henter un bario a sali y a respalda tanto e famia cu e polis cu e limpiesa. Hunto cu slachtofferhulp a coordina e yudansa aki cu a cana den bon coordinacion cu e famia, Polis di Bario y tambe full un comunidad.
