Polis mester ta un ehempel y no crea violencia aproposito

Na Boneiro den fin di siman a tuma luga un actividad canto di lama na Malecon. Esaki ta e festival cu a tuma luga riba lama, un festival cu sigur ta trece hopi hende y ta atrae hopi hende local pero tambe turista.

Sinembargo por a tuma nota cu un colega di prensa a keda agredi sin cu a mishi cu e polis y di un manera of otro e polis a pusha e colega di prensa benta abao sin ningun motibo. Pa di prome instante un polis mester trece ordo y trankilidad y no crea e desordo y intrankilidad pa simplemente di ta kere di ta den un uniform y ta kere ta impotente.

Banda di esaki como polis bo ta keda train pa comunica cu hende aunke con fastioso y of burachi un persona por ta e tarea di un polis ta pa trece trankilidad rond y pa e persona ta safe. Sinembargo e agente policial aki na Boneiro a demostra cu e trabao di polis no ta pe.

Tambe loke mester ta bon cla pa tur polis cu actividadnan cu nan ta presenta na dje pa traha no ta un actividad pa nan bay trip y gosa di dje , pero pa cuida e personanan eynan y pa nada no bay robes y tene trankilidad, esaki tampoco no a keda demostra na e agente policial aki.

Riba e videonan aki por mira cu e ciudadano cu ta un colega di prensa tambe cu su man nan na halto no a mishi cu e polis mes y ta e polis a pusha e persona. Sinembargo tambe a compronde cu despues e colega a wordo cera tambe, pero kende realmente ta robes aki? Kico a bay robes aki , kende mester ta e miho ehempel?

Esaki sigur no a keda demostra door di e agente policial. Con burachi y fastioso un ciudadano por ta, ningun polis no tin e derecho di pusha ningun ciudadano di e forma aki, danki DIOS e escenario a bay asina aki , ta imagina si e ciudadano mester a cay dal su cabes den e stoepi y habri su cabes bay inconsciente unda cu hasta por a perde su bida, kico ta loke e agente policial aki lo kier para pe e ora? Pidi despensa? Siendo como un agente policial por a demostra y haci miho.

E situacion aki ta inaceptabel y ta spera cu straf disciplinario por keda introduci, pa e mensahe ta bon cla cu tin un inform bisti como polis no ta duna e agente e derecho di trata un ciudadano di e manera aki. Bo kier respet duna respet tambe. Awo si berdaderamente KPCN kier mustra di ta un cuerpo cu ta para pa husticia mester takel e situacion aki awo di un manera profesional paso di ambos banda abuso no ta aceptabel y no tolerabel y no por tuma luga.

Click aki bao like y share