Habitantenan di Altovista mester biba preocupa pa ciudadano agresivo y cu no ta mustra cu tin conocemento di ley cu cachonan los y agresivo no por cana pafo di cura. Un situacion inaceptabel cu ta tumando luga cu varios habitante di ALtovista unda cu un ciudadano hunto cu su cachonan tin e bario terorisa.
No ta prome biaha pero na varios ocasion na Alto Vista No. 176. Un biaha mas tabata trata di cachonan cu e doño no ta tene den su cura di cas, pero ta laga cana liber riba e caminda publico y cu ta afecta tanto e hobennan como e cachonan di e resto di bario.
Pa evita y pa e bisinjanan por papia riba e situacion di e cachonan un combersacion a tuma luga riba caminda publico cu sra, di Bernabela entre e casnan di Alto Vista 180-8 i y Alto Vista No. 176, unda cu a papia riba e situacion di e cachonan brabo cu ta cana den e bario y no ta mantene nan den cura.
Sinembargo Mientras e combersacion tabata tumando luga, Bernabela a yega den un auto preto marca “Lexus”, y a ripara cu tabata tin un combersacion entre sr. Kornelis Postma y su casa.
E ora ey Bernabela a bay cu e auto den direccion di sr. Kornelis Postma cu un velosidad unda cu sr. Kornelis Postma mester a hala pa e auto no dal e pero asina mes a dal e na su rudia. Manera e video nan mes ta mustra despues cu a rijs e auto den su direccion cu e intencion no mucho bon e homber Bernabela mes a baha for di auto y mesora a cuminsa ataca sr.Kornelis Postma y batié cu mannan cla. Sr. Bernabela a dal Sr. Kornelis Postma te cu a perde conocemento na un momento determina, na momento cu sr. Kornelis Postma a perde conocimiento a keda dal e tog.
Un persona cu ta biba den bisindario a Sali pafo y asina a yuda sr.Kornelis Postma cu tabata benta abou inconsciente, esaki ta mustra un intencion di “Poging tot doodslag/zware mishandeling”
Como resultado di e acto di maltrato serio aki sr.Kornelis Postma a sufri y awo tin entre otro un pulso kibra y tambe un conmocion leve. Ademas, sr.Kornelis Postma tabatin varios hinchamento y slanan riba su curpa.
Na momento cu e maltrato a tuma luga Tanto polis como ambulance a yega na e sitio. E ambulance
tabata kier transporta sr.Kornelis Postma mesora pa hospital pa tratamento medico
pero pasobra sr.Kornelis Postma na e momento ey su so na e negoshi trahando sr.Kornelis Postma no por a bay cu e ambulance, e mester a bay su tienda prome y cera su cas.
E cas di sr.Kornelis Postma tin camara di video, cu ta duna informacion kico tur a pasa y a scoge di no bay cu ambulance sin cera su cas y pa e muestranan di loke a pasa cu e camaranan a graba pa polis tin nan den nan poder.
Mirando e maltrato severo cu a tuma luga sr.Kornelis Postma a entrega un keho na polis contra sr. Bernabela riba intento di asesinato y maltrato grave.
Sinembargo tipo di actonan asina aki ta bin cu su consecuencia nan unda cu e empresario cu a keda agredi lo ta bay tin gasto debi cu a kibra su man robes y no por traha y mester a cera su negoshi.
Loke cu ta un realidad di e situacion aki ta cu e cachonan di sr. Bernabela ta cachonan regularmente cu ta molestia e hobennan di e apartamentonan rond, tambe daño na auto ta cometi di un di habitantenan y tambe un di e habitante a ser morde. Mirando e situacion nan aki cu ta pasando mester por yega na un solucion y pa yega na un solucion mester papia cu otro, pero aparentemente sr. Bernadina no kier papia y ta bira agresivo na momento cu su casa ta papia cu e habitantenan pa splica di e situacion pa trece un solucion.
Tambe loke cu ta un realidad cu articulo 6:179 di e Codigo Civil di Aruba, cu ta pone sr. Bernabela como propietario di un bestia ta responsabel pa e
daño cu e animal ta haci.
Ta importante pa tene bo bestia di cas – bo cacho – riba bo tereno di bario, pa nan no por drenta tereno di cualkier otro hende y pa evita cu nan ta bira mas peligroso.
daño tambe destruccionnan. Na aruba tin ley di bestia y mester mantene na esaki.
No tin nada cu por hustifica cu ta haci alcontrario ley unda cu cacho mester ta den cura di cas y mara. Un cacho no mag y no por ta pafo di cura y pio si nan ta brabo.
