Riba Plaza Simon Bolivar a tuma luga protesta di e Venezolanonan cu ta residencia na Aruba. Esaki ta un protesta cu a tuma luga mundialmente unda cu Venezolanonan cu ta biba tur parti di mundo a haci un protesta masal pa asina manda e mensahe di nan desacuerdo cu Nicolas Maduro ta presidente di Venezuela un periodo mas.
Sra Miriam Parra ta coordinador di comunicacion di “Con Venezuela “ na Aruba. E Venezolanonan ta reuni den tur parti di mundo y na Venezuela unda cu nan a Sali pafo y mustra un solo voz y pa mundo ta na altura cu ta Edmundo Gonzales ta e presidente cu nan ta desea pa Venezuela. E Venezolanonan a expresa cu nan no kier pa nan horta nan votonan. Na mes momento sra Miriam Parra ta haci un peticion na tur pais rond mundo pa apoya Venezuela y pa nan interveni y yuda e ciudadano nan nan Venezuela di loke ta pasando .
Sra Miriam Parra ta duna di conoce cu ya caba nan tin e prueba den nan man unda cu tin prueba di loke nan ta pidi cu ta e libertad pa Venezuela. Segun Miriam Parra nan tin e prueba cu nan lider a gana eleccion cu mas di 7 mil voto y pesey mes nan ta para na Plaza Simon Bolivar pa asina e mensahe yega internacionalmente.
Tabata un atardi unda cu e Venezolanonan a expresa nan preocupacion y nan deseo pa nan Pais , pero na mes momento nan a canta nan himno, resa y pidi pa maduro bandona Venezuela, e protesta aki no a tuma luga solamente na Aruba , pero rond mundo unda Venezolanonan ta biba.
